तैमूरच्या बर्थ डे पार्टीच्या तयारीला सुरुवात, अशा पद्धतीने सजले पतौडी पॅलेस

नवाब सैफ अली खान आणि त्याची बेगम करिना कपूर यांचा लाडका मुलगा तैमूर अली खान 20 डिसेंबरला एक वर्षांच्या होणार आहे. तैमूरच्या वाढदिवसाची तयारी पतौडी पॅलेसमध्ये मोठ्या धूम धडाक्यात सुरु झाली आहे. तैमूरची मावशी करिश्मा कपूर हिने इन्स्टाग्रामवर काही फोटो शेअर केले आहेत. ज्या फोटोंमध्ये पतौडी पॅलेसला सजवलेले दिसते आहे. सैफ आणि करिनानंतर मावशी करिश्मा कपूर ही तैमूरच्या बर्थ डे पार्टीची तयारी करण्यासाठी पटौदी पॅलेसला रवाना झाली आहे. मिळालेल्या माहितीनुसार खान कुटुंबीय तैमूरचा बर्थ डे आणि क्रिसमस पार्टी एकत्र सेलिब्रेट करणार आहेत.काही दिवसांपूर्वीच रणधीर कपूर यांनी सांगितले होते की सैफ अली खानने तैमूरसाठी एक नवी गाडी खरेदी केली आहे. मात्र कुटुंबातील इतर सदस्य तैमूरसाठी काही नवे गिफ्ट घेण्याचा विचार करतायेत. उद्याच या गोष्टीवरुन पडदा उठले की त्यांनी तैमूरला कोणती वस्तू गिफ्ट म्हणून दिली. तैमूर जन्मण्याच्या आधी पासूनच प्रसिद्धच्या झोतात आहे. करिनाने गरोदरपणा दरम्यान एका फॅशन सोमध्ये रॅम्प वॉक करुन सगळ्यांचे लक्ष आपल्याकडे वेधून घेतले होते. तैमूरचा स्टार किड्सच्या यादीत पहिला नंबर लागतो. तैमूरची एक झलक टिपण्यासाठी मीडियाचे कॅंमेरे नेहमीच सतर्क असतात. तैमूरच्या बर्थ डेची तयारी गेल्या अनेक दिवसांपासून त्याचे कुटुंबीय करतायेत. सूत्रांच्या माहिती नुसार  शाहरूख खान त्याचा मुलगा अबराम आणि करण जोहर त्याची दोन्ही मुले यश व रूहीसोबत या पार्टीत सहभागी होऊ शकतात.तैमूरची मम्मी करिना कपूर सध्या ‘वीरे दी वेडिंग’ या चित्रपटाच्या शूटींगमध्ये व्यस्त आहे. या चित्रपटाच्या सेटवर अनेकदा लाडका तैमूरही तिच्यासोबत दिसतो. तैमूरला घेऊन करिना अलीकडे ‘वीरे दी वेडिंग’च्या शूटींगसाठी दिल्लीला पोहोचली होती. त्यामुळे या चित्रपटात छोटा नवाब तैमूर अली खान दिसणार, अशी एक अफवा पसरली होती. पण  करिनाने ही अफवा धुडकावून लावत तैमूर या चित्रपटात दिसणार नसल्याचे स्पष्ट केले होते.ALSO READ :   करण जोहरच्या यश आणि रूहीला भेटून हरकून गेला करिना कपूरचा लाडका तैमूर, पाहा फोटो!