बॉलिवूडमध्ये मीटू चळवळ सुरू करणारी अभिनेत्री तनुश्री दत्ताचं परदेशात मन लागत नाही आहे. पुन्हा एकदा तिला बॉलिवूडमध्ये आपलं लक्ष केंद्रीत करायचं आहे आणि त्यासाठी तिने प्रयत्नदेखील सुरू केले आहेत. सूत्रांच्या माहितीनुसार, तनुश्री दत्ताला हिंदी चित्रपटांच्या ऑफर्स येत आहेत. पण तिला कमबॅकसाठी दमदार भूमिका हवी आहे. त्यासाठी तिने काही स्टोरी शॉर्टलिस्ट देखील केल्या आहेत.
गेल्या एका वर्षात सिनेइंडस्ट्रीतील महिला कर्मचारी व कलाकारांचे कामाच्या ठिकाणी होणारे लैंगिक शोषणाच्या प्रकरणात खूप मोठा बदल झालेला पहायला मिळाला आहे. जवळपास सर्व चित्रपट संघटनांनी महिलांचे लैंगिक शोषण रोखण्यासाठी कडक धोरण अवलंबले आहे.
हॉर्न ओके प्लीज चित्रपटाच्या शूटिंगवेळी तनुश्री दत्ताने नाना पाटेकर यांच्यावर लैंगिक शोषणाचा आरोप केला होता. त्यानंतर यावर खूप वादविवाद झाले होते. तसेच आणखीन सिनेइंडस्ट्रीतील काही प्रकरणं समोर आली. मात्र अद्याप नाना पाटेकर यांच्यावर लावलेले आरोप सिद्ध झाले नाहीत.
मात्र तनुश्रीच्या जवळच्या सूत्रांनी दिलेल्या माहितीनुसार, तनुश्री यावर्षी बॉलिवूडमध्ये पुनरागमन करण्यासाठी सज्ज झाली आहे आणि तिच्या कमबॅकसाठी ती चांगल्या चित्रपटाच्या प्रतीक्षेत आहे.