अभिनेता अक्षय कुमार(Akshay Kumar)चा अलिकडेच त्याचा 'बडे मियाँ छोटे मियाँ' (Bade Miyan Chotte Miyan) हा चित्रपट रिलीज झाला होता. हा चित्रपट बॉक्स ऑफिसवर काही खास कमाई करू शकला नाही. आता अक्षय कुमार सरफिरा आणि खेल खेल में हे सिनेमे घेऊन येणार आहे. हे दोन्ही चित्रपट रुपेरी पडद्यावर काय कमाल दाखवणार हे पाहावे लागेल. दरम्यान, अक्षय कुमार वेलकम टू द जंगल या कॉमेडी चित्रपटामुळेही चर्चेत आहे. अक्षयच्या चित्रपटाची रिलीज डेट या वर्षाच्या शेवटी जाहीर करण्यात आली होती. मात्र आता डिसेंबरमध्ये हा चित्रपट प्रदर्शित होणार नसल्याचे दिसत आहे.
डिसेंबरमध्ये प्रदर्शित होणाऱ्या या चित्रपटाची तारीख पुढे ढकलण्यात आल्याचे बोलले जात आहे. असे का घडले याचे कारणही समोर आले आहे. अक्षय कुमारचा हा चित्रपट आमिर खानच्या सितारे जमीन पर आणि हॉलिवूड चित्रपट मुफासा: द लायन किंग यांच्याशी टक्कर देणार होता. पण ही मोठी टक्कर टाळण्यासाठी निर्मात्यांनी हे केले असल्याचे दिसते. आता अक्षय कुमारचा वेलकम टू द जंगल पाहण्यासाठी चाहत्यांना २०२५ पर्यंत वाट पाहावी लागणार आहे.
रिलीज डेट का ढकलली पुढे?हिंदुस्तान टाईम्सच्या रिपोर्टनुसार, 'वेलकम टू द जंगल' मोठ्या पातळीवर तयार करण्यात आला असून, ज्याचे पहिले शेड्यूल नुकतेच मे महिन्यात पूर्ण झाले. महाराष्ट्रातील आरे येथे या चित्रपटाचे दीर्घ शूटिंग झाले, ज्यामध्ये संपूर्ण स्टारकास्ट उपस्थित होती. मात्र, हे पहिलेच शेड्यूल होते. याशिवाय प्रिन्सिपल फोटोग्राफीनंतर व्हीएफएक्सचे काम आवश्यक आहे. या सर्व बाबींचा विचार करता चित्रपटाच्या प्रदर्शनाची तारीख २० डिसेंबर होण्याची शक्यता नाही.
श्रेयस तळपदेही दिसणार सिनेमातगेल्या वर्षी जेव्हा या चित्रपटाची पहिली झलक प्रदर्शित झाली होती, तेव्हा या चित्रपटातील स्टारकास्ट आणि मागील दोन चित्रपटांपेक्षा काहीतरी वेगळे असल्यामुळे बरीच चर्चा झाली होती. या चित्रपटात श्रेयस तळपदेही एका खास भूमिकेत दिसणार आहे.
'वेलकम टू द जंगल' स्टारकास्ट या विनोदी चित्रपटात अक्षय कुमारसोबत सुनील शेट्टी, दिशा पटानी, रवीना टंडन, लारा दत्ता, जॅकलीन फर्नांडिस, परेश रावल, अर्शद वारसी, जॉनी लीव्हर, राजपाल यादव, तुषार कपूर, श्रेयस तळपदे, कृष्णा अभिषेक, कृष्णा अभिषेक आदी कलाकार आहेत. किकू शारदा, दलेर मेहंदी आणि मिका सिंग यांसारख्या अनेक कलाकारांचा समावेश आहे.