गेल्या काही दिवसांपासून नताशा स्टेन्कोविक (Natasha Stankovic) आणि हार्दिक पंड्या (Hardik Pandya) यांच्या घटस्फोटाची चर्चा होताना दिसत आहे. दोन्ही बाजूंनी कोणतेही अधिकृत वक्तव्य आले नसले तरी त्यांच्या मौनाने चर्चांना आणखीच दुजोरा दिला आहे. या सगळ्यामध्ये नताशा इन्स्टाग्रामवर सतत अनेक अपडेट्स शेअर करत असते आणि लोकांना अनेक मिक्स हिंट्सही देत असते. नुकतेच नताशाने घटस्फोटाच्या बातमीचे संकेत दिले होते, मात्र रात्री उशिरापर्यंत तिने असे काही केले ज्यामुळे हार्दिक पंड्याच्या चाहत्यांना दिलासा मिळाला. नताशाने तिच्या इंस्टाग्रामवर हार्दिक पांड्यासोबत लग्न आणि व्हॅलेंटाईनसह अनेक फोटो रिस्टोअर केले आहेत.
नताशा स्टेन्कोविकने तिच्या इंस्टाग्राम प्रोफाइलवर हार्दिकसोबतचे तिचे सर्व फोटो रिस्टोअर केले आहेत, ज्यात व्हॅलेंटाईन डे आणि त्यांच्या लग्नासारख्या खास क्षणांमधील फोटोंचा समावेश आहे. नताशाच्या या स्टेपमुळे चाहत्यांमध्ये आनंदाचे वातावरण आहे, ज्यांना दोघांचे एकत्र फोटो पाहून दिलासा मिळाला आहे. फोटो गायब होण्यामागचे कारण अद्याप समजू शकलेले नाही.
घटस्फोटाच्या चर्चेदरम्यान नताशाची प्रतिक्रियाघटस्फोटाच्या अफवांना वेग आला जेव्हा नताशाने तिच्या इंस्टाग्रामवरून हार्दिकचे आडनाव 'पंड्या' काढून टाकले आणि त्यांच्या लग्नाचे फोटो हटवले. दरम्यान, हार्दिकचा भाऊ कृणाल पंड्याने त्याचा मुलगा हार्दिक आणि नताशाचा मुलगा अगस्त्यसोबत खेळतानाचा हृदयस्पर्शी फोटो शेअर केला होता. त्यावर नताशाने हार्ट इमोजीसह कमेंटही केली होती.
लंडनमध्ये सुट्टी एन्जॉय करतोय हार्दिक पंड्या!हार्दिक पंड्याबद्दल बोलायचे झाले तर तो टी-२० वर्ल्ड कपसाठी भारतीय संघासोबत गेला नव्हता. तो लंडनमध्ये सुट्टी एन्जॉय करत होता. वृत्तांवर विश्वास ठेवला तर, त्यानंतर तो न्यूयॉर्कमध्ये टीम इंडियामध्ये सामील होईल. नताशा आणि हार्दिक यांनी मे २०२० मध्ये लॉकडाऊन दरम्यान लग्न केले आणि त्यांना तीन वर्षांचा मुलगा असून ज्याचे नाव अगस्त्य आहे.