"ते आताही विवाहित आहेत", ए.आर.रहमान-सायरा बानो यांच्या घटस्फोटावर वकिलाचा खुलासा

A.R.Rahman And Saira Bano Divorce: ए.आर. रहमान आणि सायरा बानो लग्नाच्या २९ वर्षांनंतर वेगळे झाल्याच्या बातमीने लोकांना धक्का बसला आहे.

ए.आर. रहमान  (A. R. Rahman) आणि सायरा बानो (Saira Bano) लग्नाच्या २९ वर्षांनंतर वेगळे झाल्याच्या बातमीने लोकांना धक्का बसला आहे. रहमान यांनी सायरापासून विभक्त झाल्याच्या बातमीवर पोस्ट लिहिली आणि त्याखाली हॅशटॅग देखील वापरला तेव्हा लोकांना तितकेच विचित्र वाटले. त्यांच्या वकील वंदना शाह यांनी रहमान आणि सायरा यांच्या विभक्त होण्यामागील कारणांपासून वादावर मौन सोडले.

वकील वंदना शाह म्हणाल्या की, सामान्य लोकांप्रमाणेच प्रसिद्ध लोकांच्या घटस्फोटाची कारणेही सारखीच असतात. रहमान आणि सायरा बानू यांच्या वेगळे होण्याच्या निर्णयामागील कारण विचारले असता त्यांनी गोपनीयतेचा हवाला दिला. दोघांमध्ये काहीतरी घडले असावे, त्यामुळेच त्यांनी हा निर्णय घेतला, असे ते म्हणाल्या.

'अजून घटस्फोट झालेला नाही'
वंदना यांनी एबीपी न्यूजला सांगितले की, दोघांचा अद्याप घटस्फोट झालेला नाही आणि दोघांमधील मतभेद न सुटल्यामुळे एकमेकांपासून वेगळे होण्याचा निर्णय घेतला आहे. त्या म्हणाल्या की, 'सर्वप्रथम मी स्पष्ट करतो की घटस्फोट अद्याप झालेला नाही. ते अजूनही विवाहित आहे. आम्ही एक संयुक्त निवेदन जारी केले होते की गोष्टी व्यवस्थित नाहीत आणि दोघांमध्ये एक अंतर निर्माण झाले आहे जे ते पार करू शकत नाहीत. त्यामुळे त्यांनी त्यांचे लग्न संपुष्ठात आणण्याचे ठरवले आहे. घटस्फोट झाला आहे किंवा आम्ही प्रक्रिया सुरू केली आहे, असे आम्ही कुठेही म्हटले नाही.

हॅशटॅगच्या वादावर दिले स्पष्टीकरण
ए. आर रहमान यांनी पत्नी सायरा बानूपासून विभक्त होण्याबाबत सोशल मीडिया पोस्ट शेअर केली होती. त्यात त्यांनी  #arsairabreakup हे हॅशटॅग वापरले होते. या हॅशटॅगच्या वापरावर उपस्थित केलेल्या प्रश्नांवर, वकील वंदना शाह म्हणाल्या की, 'कुछ तो लोग कहेंगे लोगों का काम है कहना.., दुसरे म्हणजे ट्रोलर्सकडे दुर्लक्ष केले पाहिजे. रहमान यांनी खूप सुंदर पोस्ट लिहिली होती. आपण कंटेंटवर लक्ष केंद्रित केले पाहिजे.

रहमान आणि मोहिनी डे यांच्या कनेक्शनचा संबंध नाही
ए.आर. रहमानपासून विभक्त झाल्याची घोषणा केल्यानंतर, त्याच्या संगीत मंडळाशी संबंधित गिटारिस्ट मोहिनी डे यांनी तिच्या पतीपासून विभक्त झाल्याची पोस्ट केली. त्यानंतर लोकांनी मोहिनी डे रहमान यांच्या घटस्फोटासाठी जबाबदार असल्याचे म्हटले होते. मात्र वकील वंदना शाह यांनी या वृत्तात तथ्य नसल्याचे सांगितले. दोन्ही पक्षांच्या गोपनीयतेची काळजी घेण्याची विनंतीही केली.