सोशल मीडियावर दररोज असंख्य गोष्टी व्हायरल होत असतात. यात गेल्या काही दिवसांपासून सोशल नेटवर्किंगवर बॉलिवूडसेलिब्रिटींच्या बालपणीचे फोटो व्हायरल होत आहेत. अनेक सेलिब्रिटी त्यांच्या बालपणीचे गोड फोटो शेअर करत आहेत. विशेष म्हणजे यामध्येच आता बॉलिवूडमधील एका बोल्ड अभिनेत्रीचा फोटो व्हायरल होत आहे. ही अभिनेत्री सध्याच्या घडीला फॅशन आयकॉन म्हणून ओळखली जाते. परंतु, तिचा बालपणीचा फोटो पाहिल्यावर हीच ती अभिनेत्री आहे या गोष्टीवर तुमचा विश्वास बसणार नाही.
सध्या सोशल मीडियावर एका चिमुकलीचा फोटो तुफान व्हायरल होत आहे. या फोटोमध्ये ती तिच्या बहिणीसोबत बसली असून पिवळ्या रंगाचा सुंदर फ्रॉक तिने घातला आहे. विशेष म्हणजे तिच्या चेहऱ्यावरील निरागस भाव पाहून आज बॉलिवूडमध्ये आपल्या बोल्डनेसमुळे धुमाकूळ घालणारी हिच ती अभिनेत्री आहे यावर कोणाचाही विश्वास बसत नाहीये.
व्हायरल होत असलेल्या फोटोमध्ये दिसणारी चिमुकली अभिनेत्री मलायका अरोरा आहे. मलायकाच्या बहिणीने तिच्या वाढदिवसानिमित्त हा फोटो शेअर करत तिला शुभेच्छा दिल्या.
दरम्यान, मलायका आज कलाविश्वातील फिटनेस फ्रिक आणि बोल्ड अभिनेत्री म्हणून ओळखली जाते. सध्याच्या काळात मलायका तिच्या प्रोफेशनल लाइफपेक्षा पर्सनल लाइफमुळे जास्त चर्चेत येत आहे. मलायका सध्या अभिनेता अर्जुन कपूरला डेट करत आहे.