टायगर श्रॉफ आणि दिशा पटानीच्या अफेअरची चर्चा गेल्या अनेक महिन्यांपासून आहे. दिशा आणि टायगर अनेक वेळा लंच टेडवर किंवा पार्टीमध्ये एकत्र फिरताना दिसतात. त्यांनी आपलं नातं कधीच स्वीकारले नाही. सोशल मीडियावरदेखील नेहमीच त्यांच्या अफेअरच्या चर्चा असतात. दोघांची केमिस्ट्री प्रेक्षकांनी 'बागी 2' सिनेमात पाहिली देखील. रसिकांना त्यांची केमिस्ट्री पसंत देखील पडली.
टायगर श्रॉफबद्दल सांगायचे तर सध्या तो ‘स्टुडंट आॅफ द ईअर 3’मध्ये बिझी आहे. याशिवाय त्याने ‘बागी 3’चीही घोषणा केलीय. मार्च २०२० मध्ये ‘बागी 3’ प्रदर्शित होतोय. या सिनेमातून तरुणाईला घायाळ करण्यासाठी तसंच रसिकांची मने जिंकण्यासाठी तो टायगर मेहनत घेत आहे. ‘बागी’साठी टायगर वेगवेगळे स्टंट शिकतो आहे. आधीच्या दोन भागांपेक्षाही थरारक असे अ‍ॅक्शन स्टंट यात दिसणार आहे. हे स्टंट डिझाईन करण्यासाठी भारत आणि विदेशातील स्टंट डायरेक्टर्सची मदत घेतली जात आहे. ‘बागी2’ने यंदाच्या सर्वाधिक कमाई करणाºया चित्रपटांच्या यादीत स्थान कमावले होते. त्यामुळे ‘बागी3’कडून चाहत्यांना विशेष अपेक्षा आहेत.