टायगरची गर्लफ्रेंड दिशा पाटनीचा पुन्हा दिसला बोल्ड अंदाज; फोटो होत आहेत व्हायरल!

अभिनेत्री दिशा पाटनी सध्या तिच्या आगामी ‘बागी-२’ या चित्रपटामुळे चर्चेत आहे. या चित्रपटात तिच्यासोबत तिचा बॉयफ्रेंड टायगर श्रॉफ मुख्य भूमिकेत बघावयास मिळणार आहे. हा चित्रपट येत्या ३० मार्च रोजी प्रदर्शित केला जाणार असून, दोघेही सध्या प्रमोशनसाठी जागोजागी फिरताना बघावयास मिळत आहेत. दरम्यान, चित्रपट प्रदर्शित होण्याअगोदरच दिशाचा बोल्ड अंदाज समोर आला असून, तिचे हे फोटो सध्या सोशल मीडियावर चांगलेच व्हायरल होताना दिसत आहेत. दिशाने तिच्या या बोल्ड फोटोशूटमधील काही फोटोज् इन्स्टाग्राम अकाउंटवर शेअर केले आहेत. फोटोमध्ये दिशा खूपच सुंदर आणि सेक्सी दिसत आहे. चाहत्यांनाही तिचा हा अंदाज पसंत येत असून, फोटोंना लाइक्स आणि कॉमेण्ट्स दिल्या जात आहेत. दरम्यान, टायगर आणि दिशा सध्या त्यांच्या आगामी ‘बागी-२’ या चित्रपटाच्या प्रमोशनमध्ये व्यस्त आहेत. आतापर्यंत या चित्रपटातील तीन गाणी प्रदर्शित करण्यात आली आहेत, ज्यास प्रेक्षकांकडून चांगलेच पसंत केले जात आहे. दिशा आणि टायगरचा ‘बागी-२’ हा चित्रपट २०१६ मध्ये आलेल्या ‘बागी’चा सीक्वल आहे. ‘बागी’मध्ये टायगर आणि श्रद्धा कपूर बघावयास मिळाली होती, तर दिशाने २०१६ मध्ये प्रदर्शित झालेल्या ‘एम. एस. धोनी : द अनटोल्ड स्टोरी’ या चित्रपटातून बॉलिवूडमध्ये डेब्यू केला होता. हा चित्रपट भारतीय क्रिकेट संघाचा माजी कर्णधार महेंद्रसिंह धोनी याच्या जीवनावर आधारित आहे. दरम्यान, दिशा आणि टायगर सध्या रिलेशनशिपमध्ये असून, त्यांच्या अफेअरच्या चर्चाही बी-टाउनमध्ये चांगल्याच रंगताना दिसत आहे. वास्तविक या दोघांनी अद्यापपर्यंत त्यांच्यातील नात्याचा जाहीरपणे खुलासा केला नाही; मात्र ज्या पद्धतीने या दोघांमध्ये जवळीकता बघावयास मिळते त्यावरून हे दोघे नक्कीच रिलेशनशिपमध्ये असावेत, असा अंदाज बांधला जात आहे.