पीएम मोदींच्या निर्देशानंतर सर्व बॉलिवूड स्टार्सनी स्वत:ला घरात कैद करून घेतले आहे. आजपासून 14 एप्रिलपर्यंत संपूर्ण भारतात संपूर्ण लॉकडाऊन असणार आहे. बॉलिवूडच्या सर्व स्टार्सनी याचे समर्थन केले आहे. बॉलिवूडचे ज्येष्ठ अभिनेते ऋषी कपूर हेही याला अपवाद नाही. ट्विटरवर कमालीचे अ‍ॅक्टिव्ह असलेल्या ऋषी कपूर यांनी आपल्या सर्व चाहत्यांना घरात सुरक्षित राहण्याचे आवाहन केले. पण याचदरम्यान एका सोशल मीडिया युजरने ऋषी कपूर यांना असा काही डिवचणारा प्रश्न विचारला की ऋषी कपूर भडकले आणि या डिवचणा-या युजरला त्यांनी सणसणीत उत्तर दिले.
त्यांचे हे ट्विट वाचून एका युजरने ऋषी कपूर यांना ट्रोल करण्याचा प्रयत्न केला. ‘दारू का कोटा फुल है ना चिंटू चाचा,’ असा झोंबणारा सवाल या युजरने केला. युजरचा हा सवाल पाहून ऋषी कपूर यांचा पारा जाम चढला. मग काय, ‘ये एक और इडियट,’ असे या युजरला त्यांनी सुनावले.
इतकेच नाही तर माझ्या देशाची वा माझ्या लाईफ स्टाईलची खिल्ली उडवणा-यांना मी डिलीट करेल. सावध राहा आणि हा इशारा समजा़ ही गंभीर स्थिती आहे, असेही त्यांनी सुनावले.