हनीप्रीत अन् राम रहीमची पोलखोल करणाºया राखी सावंतबद्दल युजर्स म्हणतात, ‘दाल मे कुछ काला है’

बलात्कारी गुरुमित राम रहीम याचे अनेक रहस्यांची चावी असलेल्या हनीप्रीतचा सध्या पोलीस कसून तपास करीत आहेत. पोलिसांना ती सातत्याने चकमा देत असल्याने तिला फरार घोषित करण्यात आले आहे. परंतु ज्या पद्धतीने वादग्रस्त राखी सावंत राम रहीम आणि हनीप्रीतच्या रहस्यांची पोलखोल करीत आहे, त्यावरून तिलाच ताब्यात घेऊन तिची कसून चौकशी केली जावी, अशी चर्चा सध्या नेटकºयांमध्ये रंगत आहे. गेल्या काही दिवसांपासून राखी सावंत सातत्याने हनीप्रीत आणि राम रहीमच्या कृत्यांची माध्यमांमध्ये पोलखोल करीत आहे. परंतु तिला या सगळ्या गुपित बाबी कशा माहिती आहेत, असा प्रतिप्रश्न करीत तिलाच राम रहीमबरोबर जेलमध्ये टाका असा संताप यूजर्समध्ये व्यक्त केला जात आहे. वादग्रस्त राम रहीमच्या जीवनावर चित्रपट बनविला जात असून, त्यामध्ये राखी सावंत हनीप्रीतची भूमिका साकारत आहे. जेव्हा तिला या भूमिकेविषयी विचारण्यात आले तेव्हा तिने राम रहीम आणि हनीप्रीतचे अनेक किस्से उघड केले. तिने हेदेखील सांगितले की, ती राम रहीमच्या डेºयातील त्या गूढ खोलीमध्ये गेली होती. त्याठिकाणी तिला वियाग्रा दिसला होता, असेही म्हटले. त्याचबरोबर तिने राम रहीम आणि हनीप्रीतच्या नात्याविषयीही अनेक धक्कादायक खुलासे केले. तिच्या मते, राम रहीम हनीप्रीतच्या प्रेमात वेडा झाला होता. या दोघांमध्ये एकमेकांप्रती प्रेम होते. हनीप्रीतला राम रहीमपासून एका मुलाला जन्म द्यायचा होता. हा मुलगा तिला डेºयाचा वारस करायचा होता. त्याचबरोबर जेव्हा मी राम रहीमच्या जवळ गेली होती, तेव्हा हनीप्रीत स्वत:ला असुरक्षित समजत होती. ती मला सवत मानायची असेही राखीने म्हटले होते. जेव्हा राखीचे हे सर्व खुलासे माध्यमांमध्ये प्रसिद्ध झाले तेव्हा राखीला हे सर्व कसे माहीत असा प्रतिप्रश्न सोशल मीडियावर केला जात आहे. एका यूजर्सने लिहिले की, ‘दाल में कुछ काला हैं... राखीला हे सर्व कसे माहीत हिला अगोदर कस्टडीमध्ये घ्या’, एका यूजर्सनी लिहिले की, राखी आणि राम रहीममध्येच काहीतरी सुरू होते. या दोघांना हनीप्रीतचा काटा काढायचा होता, तर आणखी एका यूजर्सने लिहिले की, राम रहीमच्या डेºयामध्ये जे काही कृत्य चालायचे त्याची राखी साक्षीदार आहे, पोलिसांनी तिला रिमांडमध्ये घ्यायला हवे. दरम्यान, राखीच्या या खुलाशामुळे सध्या खळबळ उडाली असून, प्रत्येकजण तिच्या या दाव्यांवर शंका उपस्थित करीत आहे. काहींना तिचे हे दावे पटत आहेत, तर काहींना हा राखीचा नेहमीसारखाच प्रसिद्धी स्टंट असावा असे वाटत आहे. पण काहीही असो, राखीने ज्या पद्धतीने खुलासे केले आहेत, त्यावरून राम रहीम आणि हनीप्रीत यांचा खरा चेहरा उघडकीस आला, असे म्हटले तर चुकीचे ठरू नये.