video: सनी लिओनीसाठी लोक झालेत वेडे! पोलिसांच्या लाठ्या खायलाही तयार!!

बॉलिवूडची ‘बेबी डॉल’ सनी लिओनी हिच्यासाठी लोक अक्षरश: वेडे आहेत. केरळमधील कोच्ची शहरात नेमके हेच दिसले. सनीची एक झलक पाहण्यासाठी कोच्चीच्या रत्यावर लोकांची एकच गर्दी केली. हजारो लोक सनीला पाहण्यासाठी आलेत. ही गर्दी पाहून सनी चांगलीच अवाक् झाली. पोलिसांना तर गर्दीला नियंत्रित करण्यासाठी सौम्य लाठीमारही करावा लागला.ALSO READ : बॉलिवूडमधील सन‘सनी’ला पाच वर्षे पूर्ण; वाचा सनी लिओनीचा थक्क करणारा प्रवास!या इव्हेंटमध्ये सनी प्रचंड आनंदी दिसली. स्वत:प्रती चाहत्यांचे प्रेम पाहून ती चांगलीच भारावली. आपल्या या हजारो चाहत्यांसोबतचा एक व्हिडिओ सनीने इन्स्टाग्रामवर शेअर केला आहे. हा व्हिडिओ शेअर करताना सनीला शब्दही सुचेनात. ‘शब्दच नाहीत... कोच्चीच्या चाहत्यांचे आभार मानायला माझ्याजवळ शब्द नाहीत. हा पाठींबा आणि प्रेम पाहून मी खूप आनंदी आहे,’ असे तिने लिहिले आहे. अलीकडे संजय दत्तचा अपकमिंग सिनेमा ‘भूमी’च्या सेटवर सनी लिओनी दिसली होती. भूमीत सनी एका आयटम साँगवर थिरकताना दिसणार आहे. सनीचा हा आयटम नंबरही तिच्या यापूर्वीच्या आयटम नंबर इतकेच हॉट व बोल्ड असणार आहे, हे सांगणे नकोच.सनी उर्फ करनजीत कौर वोहरा हिला पेंटहाउस साप्ताहिकाच्या ‘कव्हर आॅफ द इयर’ या अवॉर्डसाठी एक लाख डॉलर मिळाले होते. त्यानंतर सनीने धाडस करीत तिच्या आई-वडिलांना स्पष्ट शब्दात मला ‘पॉर्न स्टार; बनायचे असल्याची इच्छा व्यक्त केली होती. त्यानंतर तिचा पॉर्न स्टार म्हणून प्रवास सुरू झाला होता. बॉलिवूडमध्ये येण्यासाठी तिने ‘बिग बॉस’ या शोचा आधार घेतला. ‘बिग बॉस’मुळे सनीला बरीच लोकप्रीयता मिळवली आणि पुढे बॉलिवूडची कवाडे तिच्यासाठी खुली झालीत. २००५ मध्ये ती ‘कलयुग’ या चित्रपटातून बॉलिवूड डेब्यू करणार होती. परंतु तिने या भूमिकेसाठी दहा लाख डॉलरची मागणी केल्याने हा चित्रपट तिच्या हातातून गेला होता. पण पुढे तिने बॉलिवूड अभिनेत्री ही ओळख मिळवलीच मिळवली.