View Video : अजय देवगणच्या ‘बादशाहो’चा ट्रेलर या दिवशी होणार रिलीज!

अजय देवगण स्टारर ‘बादशाहो’ या चित्रपटाचे पहिले पोस्टर रिलीज होताच, लोकांमध्ये चित्रपटाविषयीच्या पुढील अपडेट जाणून घेण्यात प्रचंड उत्सुकता निर्माण झाली आहे. पहिल्या पोस्टरमध्ये निर्मात्यांनी अजयचा लुक रिव्हील केला, त्यानंतर आज इमरान हाशमी याचा लुक रिव्हिल केला. दोघांचे लुक बघून हा चित्रपट बॉक्स आॅफिसवर धूम उडवून देईल, अशीच काहीशी चर्चा सध्या रंगत आहे. जर तुम्हाला यावर विश्वास बसत नसेल तर सोशल मीडियावर याचा तुम्हाला सबळ पुरावा मिळू शकेल. दरम्यान, चित्रपटाच्या पोस्टरनी उत्सुकता वाढविली असतानाच आता या चित्रपटाचा ट्रेलरही धूम उडवून देण्यासाठी लवकरच रिलीज केला जाणार असल्याची माहिती समोर येत आहे.   अभिनेता इमरान हाशमी याने काही वेळापूर्वीच फेसबुक लाइव्हवर याबाबतची माहिती दिली आहे. फेसबुकवर लाइव्हवर बोलताना इमरानने सर्व चाहत्यांचे आभार मानले आहे. इमरानच्या मते, तो सकाळपासूनच लोकांचे मॅसेजेस सोशल मीडियावर वाचत आहे. लोकांमध्ये चित्रपटाविषयीची उत्सुकता प्रकर्षाने दिसून येत आहे. सध्या चित्रपटातील केवळ दोन पात्रांचे लुक रिलीज करण्यात आले आहेत, उर्वरित चार पात्रांचे लुक समोर येणे अद्यापपर्यंत बाकी असून, लवकरच सर्व झळकतील असे पोस्टर रिलीज केले जाणार असल्याचे त्याने सांगितले.  {{{{facebook_video_id####https://www.facebook.com/EmraanHashmi/videos/796707577164676/">या फेसबुक लाइव्हदरम्यान जेव्हा एका फॅनने इमरानला ट्रेलर केव्हा रिलीज होईल? असे विचारले तेव्हा इमरानने म्हटले की, ‘बादशाहोचा ट्रेलर पुढील महिन्यात म्हणजेच जुलैमध्ये रिलीज केला जाणार आहे. मला तारीख निश्चित माहिती नसल्याने मी याविषयी अधिक काही बोलू शकत नाही. एक मात्र नक्की सांगू इच्छितो की, ट्रेलरमध्ये तुम्हाला जबरदस्त डायलॉग आणि अ‍ॅक्शन बघावयास मिळणार आहे. तसेच ट्रेलरविषयी पक्की माहिती मिळताच ती अगोदर तुमच्याशी शेअर करेल, असे प्रॉमिसही इमरानने चाहत्यांना केले. दरम्यान, आतापर्यंत चित्रपटाशी संबंधित दोन पोस्टर रिलीज करण्यात आले आहेत. दोन्ही पोस्टरमध्ये अजय आणि इमरानचा दमदार लुक बघावयास मिळत आहे. दोघांचा लुक बघताच चित्रपटात दमदार अ‍ॅक्शन असेल, असा कयासही लावला जात आहे. अजयला या चित्रपटातून बºयाचशा अपेक्षा असून, चित्रपट बॉक्स आॅफिसवर धूम उडवून देईल, अशीच काहीशी चर्चा सध्या रंगत आहे.