बॉलिवूडमध्ये पदार्पण करणारा युवा सुपरस्टार विजय देवरकोंडा (Vijay Devarkonda) आणि अनन्या पांडे(Ananya Panday)चा चित्रपट 'लाइगर' (Ligar Movie) लवकरच प्रेक्षकांच्या भेटीला येणार आहे. सध्या या चित्रपटाचे जोरदार प्रमोशन सुरू आहे. हिंदी, तमिळ, तेलुगू, मल्याळम आणि कन्नड अशा पाच भाषेत रिलीज होणारा हा पॅन इंडिया चित्रपट आणि यातले कलाकार हा सगळ्यांचा उत्सुकतेचा विषय ठरत आहे. आज सकाळी विजय देवरकोंडा आणि अनन्या पांडे यांनी चित्रपटाच्या प्रमोशनसाठी जाताना महागड्या गाड्या सोडून चक्क मुंबईच्या लोकल ट्रेनचा पर्याय निवडला.
खार स्टेशनवरून लोअर परेल पर्यंत या दोघांनी ट्रेनने प्रवास केला. तसेच या चित्रपटाचे दुसरे गाणे वाट लगा देंगे ही आज रिलीज करण्यात आले आहे. चित्रपटाचा ट्रेलर, अकडी पकडी आणि आता वाट लगा देंगे हे गाणे पाहता प्रत्येक गटातील प्रेक्षक तसेच सर्व सामान्यांनाही आकर्षित करत आहे.
अनन्याचा हा पहिलाच तेलुगू चित्रपट असेल. हा चित्रपट हिंदीतही रिलीज होणार आहे. येत्या २४ ऑगस्टला हा सिनेमा बॉक्स ऑफिसवर धडकणार आहे.