'मिर्झापूर' फेम Vikrant Masseyने शीतल ठाकूरसोबत बांधली लग्नगाठ, लग्नाचे खास फोटो व्हायरल

बॉलिवूड अभिनेता विक्रांत मेस्सी ( Vikrant Massey )ने त्यांची दीर्घकाळाची मैत्रीण शीतल ठाकूर(Sheetal Thakur) सोबत अखेर विवाहबंधनात अडकला आहे. शीतल ठाकूरसह अभिनेत्याने कुटुंबीय आणि जवळच्या मित्रांच्या उपस्थितीत सात फेरे घेतले. ज्याचे फोटो सोशल मीडियावर व्हायरल होतायेत. फोटो पाहून विक्रांत-शीतलचे चाहते खूप आनंदित झाले आहेत आणि न्यूली मॅरिड कपलला शुभेच्छा देतायेत. यापूर्वी दोघांनी १४ फेब्रुवारीला लग्नाची नोंदणी केली होती.

आतापर्यंत या कपलने लग्नाचा  (Vikrant Massey Sheetal Thakur Wedding) कोणताही फोटो शेअर केलेला नाही. पण, त्यानंतरही विक्रांत-शीतलच्या लग्नाचे फोटो सोशल मीडियाच्या माध्यमातून चाहत्यांपर्यंत पोहोचले. फोटोमध्ये शीतल लाल रंगाच्या ब्राइडल लेहेंग्यात खूपच सुंदर दिसत आहे. तर विक्रांतने गुलाबी पगडीसोबत पांढऱ्या रंगाची शेरवानी घातली आहे.

विक्रांत व शीतलने 2019 मध्ये साखरपुडा केला होता. दोघंही दीर्घकाळापासून रिलेशनशिपमध्ये होते. दोघांनाही लग्न करायचं होतं. पण कोरोना महामारीमुळे त्यांचं लग्न अनेकदा लांबणीवर पडलं होतं. लग्नाचा मुहूर्त अनेकदा पुढे ढकलला गेल्यानंतर दोघांनी इंटिमेंट वेडिंग करण्याचा निर्णय घेतला. नुकताच विक्रांत शीतलसोबत नव्या घरात शिफ्ट झाला आहे. या गृहप्रवेशाचे फोटो विक्रांतने सोशल मीडियावर शेअर केले होते.

जून 2020 मध्ये, विक्रांतने शीतलसाठी एक भावुक करणारी पोस्ट लिहिली होती. शिवाय शीतल ठाकूरसोबतच्या नात्यावरही शिक्कामोर्तब केलं होतं. विक्रांत व शीतल ठाकूर यांनी ‘ब्रोकन बट ब्युटिफुल’च्या पहिल्या सीझनमध्ये एकत्र काम केलं होतं. याचदरम्यान दोघं एकमेकांच्या प्रेमात पडले होते.

कामाबद्दल बोलायचं झालं तर, विक्रांत लवकरच सान्या मल्होत्रासोबत ‘लव्ह हॉस्टेल’मध्ये दिसणार आहे. हा एक रोमँटिक थ्रिलर चित्रपट असून त्याचा ट्रेलर कालच प्रदर्शित झाला. विक्रांतने 2013 मध्ये लुटेरा सिनेमातून बॉलिवूडमध्ये पदार्पण केलं होतं. विक्रांतने यापूर्वी दिल धडकने दो, लिपस्टिक अंडर माय बुरखा, अ डेथ इन द गंज, छपाक या चित्रपटात काम केलं आहे.