बॉलिवूड अभिनेत्री सनी लिओनी आपल्या बोल्डनेसमुळे सतत चर्चेत असते. सध्या सनी सोशल मीडियावर खूपच अॅक्टिव्ह असते. इन्स्टाग्रामवर ती तिचे हॉट फोटो शेअर करत असते. काही दिवसांपूर्वी ती एका व्हिडीओमुळे चर्चेत आली होती. सनीने मुलगी निशासोबतचा व्हिडीओ इन्स्टाग्रामवर शेअर केला आहे. या व्हिडीओत सनी, निशा आणि तिच्या मैत्रिणीसोबत स्विमिंग पूलमध्ये मस्ती करताना दिसत होती. आता सनी लिओनी पुन्हा चर्चेत आली आहे, परंतु यावेळी तिनं सोशल मीडियावर काही पोस्ट केलेली नाही.
कशामुळे सुरू आहे चर्चा?कोलकाताच्या आशुतोष महाविद्यालयाच्या वेबसाईटवर सनी लिओनीचं नाव झळकल्यानं सर्वांना आश्चर्याचा धक्का बसला. महाविद्यालयानं BA ( honours)च्या प्रवेशाची पहिली मेरीट यादी जाहीर केली. वेबसाईटवर जाहीर करण्यात आलेली ही मेरीट लिस्ट पाहून सर्वांची झोपच उडाली. या लिस्टमध्ये बॉलिवूड अभिनेत्री सनी लिओनीचं नाव होतं. तिच्या नावासोबत अर्जाचा आयडी आणि रोल नंबरही होता. तिला 12वीच्या परिक्षेत चार विषयांत पैकीच्या पैकी मार्क असल्याचे दिसत होते.
हा खोडकरपणा असून कुणीतरी जाणीवपूर्वक सनी लिओनीच्या नावानं अर्ज केला असावा, असे महाविद्यालयाकडून सांगण्यात आले. अॅडमिशन विभागाला त्यात दुरुस्ती करण्यास सांगितले असून याचा तपास केला जाईल, असेही स्पष्ट करण्यात आले.
सनी लिओनी सध्या पती डॅनीएल वेबर, आई आणि मुलांसह लॉस एंजीलीस येथे आहे. 9 वर्षांपासून ती बॉलिवूडमध्ये काम करत आहे. भारतीय-कैनेडियन असलेली सनी लिओनी मुळात पोर्नस्टार आहे.त्यानंतर सनीने 'जिस्म 2' बॉलिवूड पदार्पण केले होते. आज सनी लिओनीची गणना बॉलिवूडच्या लोकप्रिय अभिनेत्रींमध्ये केली जाते.बिग बॉसच्या 5 व्या सिझनमध्ये सनी लिओनी सहभागी झाली होती.याच कार्यक्रमामुळे ती जास्त प्रकाशझोतात आली होती.
Video : केव्हीन ओ'ब्रायननं खेचला असा षटकार की करून घेतलं स्वतःचं नुकसान
IPL 2020 : मुंबई इंडियन्ससाठी आनंदाची बातमी; खेळाडूंसाठी नियमच बदलला