अभिनेता विवेक ओबेरॉय सध्या पंतप्रधान नरेंद्र मोदी यांच्या आयुष्यावर बेतलेल्या ‘पीएम नरेंद्र मोदी’ या बायोपिकमध्ये बिझी आहे. यात विवेक नरेंद्र मोदी यांची व्यक्तिरेखा साकारताना दिसणार आहे आणि या व्यक्तिरेखेचा प्रभाव म्हणा की आणखी काही विवेकला आता राजकारण खुणावू लागले आहे. होय, पुढे मागे राजकारणात सामील होण्याची इच्छा विवेकने बोलून दाखवली आहे. केवळ इतकेच नाही तर कुठल्या लोकसभा मतदारसंघातून निवडणूक लढवायची, हेही विवेकने ठरवून टाकले आहे.होय, गुजरातेतील वडोदरा येथे ‘पीएम नरेंद्र मोदी’ या चित्रपटाच्या एका प्रमोशनल इव्हेंटमध्ये विवेकला राजकारणात सामील होण्याबद्दल विचारण्यात आले. यावर मी राजकारणात आलोच तर २०२४ मध्ये वडोदरा (बडोदा)मधून लोकसभा निवडणूक लढवण्याची माझी इच्छा असेल, असे विवेक म्हणाला. वडोदरातील लोकांनी पीएम नरेंद्र मोदी यांना भरभरून पाठींबा दिला आहे. त्यामुळे मी याच मतदारसंघातून निवडणूक लढवू इच्छितो, असेही तो म्हणाला.
तर विवेक ओबेरॉय या मतदारसंघातून लढवणार निवडणूक!!
By ऑनलाइन लोकमत | Updated: April 7, 2019 11:38 IST
अभिनेता विवेक ओबेरॉय सध्या पंतप्रधान नरेंद्र मोदी यांच्या आयुष्यावर बेतलेल्या ‘पीएम नरेंद्र मोदी’ या बायोपिकमध्ये बिझी आहे. यात विवेक नरेंद्र मोदी यांची व्यक्तिरेखा साकारताना दिसणार आहे आणि या व्यक्तिरेखेचा प्रभाव म्हणा की आणखी काही विवेकला आता राजकारण खुणावू लागले आहे.
तर विवेक ओबेरॉय या मतदारसंघातून लढवणार निवडणूक!!
ठळक मुद्दे‘पीएम नरेंद्र मोदी’ हा चित्रपट भारतासह जगभरातील ३८ देशांत प्रदर्शित होतोय.