watch sizzling photos : हॉटेलमध्ये नव्या बॉयफ्रेंडसोबत दिसली ‘डिजेवाली गर्ल’

रॅपर बादशाह याच्या प्रसिद्ध ‘डिजेवाले बाबू’ या गाण्यात झळकलेली नताशा स्टेनकोविकने सोशल मीडियावर काही फोटोज आणि व्हिडिओ शेअर केले आहेत. ज्यामध्ये ती बिकिनीमध्ये आपल्या नव्या बॉयफ्रेंडसोबत दिसत आहे. मुंबईच्या ताज लॅण्ड्स अ‍ॅण्ड हॉटेलमध्ये क्लिक केलेल्या या फोटोत नताशा बिकिनीमध्ये खूपच हॉट दिसत आहेत. नताशाने शेअर केलेल्या एका व्हिडिओच्या कॅप्शनमध्ये ‘हॅप्पी सण्डे’ असे लिहिले आहे, तर एका फोटोत ती हॉटेलमालक सॅम मर्चेंट याच्याबरोबरही दिसत आहे. नताशासोबतचा एक फोटो सॅमनेदेखील शेअर केला. ज्यामध्ये नताशा आणि तिचा बॉयफ्रेंड हातात बिअरचा ग्लास घेऊन उभे आहेत. एकेकाळी नताशा टीव्ही कलाकार अली गोनी याला डेट करीत होती. २०१५ मध्ये त्यांचे ब्रेकअप झाले. नताशा बिग बॉस या सर्वाधिक वादग्रस्त शोच्या सीजन-८ मध्ये बघावयास मिळाली होती. बिग बॉसमध्ये नताशा जवळपास एक महिना राहिली होती. त्यानंतर ती बाहेर पडली. सर्बिया येथे जन्मलेल्या नताशाने २००१ मध्ये रोमानियाच्या बुचरेस्ट स्थित आॅर्ट युनिर्व्हसिटीमधून पदवीचे शिक्षण घेतले होते. त्यानंतर तिने बेलग्रेडच्या आर्ट युनिर्व्हसिटीमधून पोस्ट ग्रॅज्युएशन केले. त्यानंतर ती बॉलिवूडमध्ये आली. ‘डिजे वाले बाबू’ या गाण्यात तिची अ‍ॅक्शन प्रेक्षकांना खूपच भावली होती. तेव्हापासून तिला ‘डिजेवाले बाबू गर्ल’ अशी ओळखही मिळाली.  नताशाने दिग्दर्शक प्रकाश झा यांच्या ‘सत्याग्रह’ या चित्रपटात ‘आइयो जी हमरी अटरिया’ हा आयटम नंबर केला होता. या चित्रपटात अमिताभ बच्चन, अजय देवगण, करिना कपूर, अर्जुन रामपाल आणि मनोज वाजपेयी यांच्या प्रमुख भूमिका होत्या. नताशा स्टेनकोविक एक सायवेरियन गर्ल असून, तिला मॉडेल, अभिनेत्री, दिग्दर्शक, निर्माता आणि डान्सर म्हणून ओळखले जाते. तिने निर्माता आणि दिग्दर्शक म्हणून ‘जर्नी आॅफ अ रेड फ्रिज’ (२००७) आणि ‘पूनम’ (२००६) या लघुपटांवर काम केले आहे.