Watch Video : रणबीर कपूरला संजय दत्तसारखी मस्क्युलर बॉडी का बनवावी लागली?

बॉलिवूडचा चॉकलेटी हॅण्डसम हंक रणबीर कपूर पुन्हा एकदा त्याच्या लूकमुळे चर्चेत आहे. होय, रणबीरचा असा लूक समोर आला की, जो कोणी एकदा त्याला या लूकमध्ये बघेल तो बघतच राहील. काही दिवसांपूर्वीच रिलीज झालेल्या रणबीरच्या ‘जग्गा जासूस’मध्ये तो क्यूट स्कूलबॉयच्या लूकमध्ये बघावयास मिळाला; मात्र आता समोर आलेल्या लूकमध्ये तो खूपच डॅशिंग अवतारात दिसत आहे. होय, रणबीरने खूपच कमी वेळात ‘डोले-शोले’वाला लूक धारण केला. रणबीरचा हा मस्क्युलर बॉडीवाला लूक त्याच्या आगामी संजय दत्तवरील बायोपिकसाठी असून, हा लूक इंटरनेटवर सध्या व्हायरल होत आहे.  गेल्या काही काळापासून रणबीर संजूबाबावरील बायोपिकसाठी वेगवेगळे लूक धारण करीत आहे. कधी तो हेअरस्टाइल बदललेला रणबीर समोर आला तर वजन कमी केलेल्या रणबीरने सगळ्यांनाच आश्चर्यचकित केले. आता पुन्हा एकदा त्याने त्याच्या लूकवर असेच एक्सपेरिमेंट केल्याने त्याचा मस्क्युलर बॉडीमधील लूक सध्या चर्चेत आहे. त्याचबरोबर रणबीर या चित्रपटासाठी किती मेहनत घेत आहे, हेही यावरून स्पष्ट होत आहे.  दरम्यान, रणबीरच्या लूकचा एक व्हिडीओ समोर आला असून, त्यामध्ये डोले-शोले वाढविलेला रणबीर आनंदी दिसत आहे. हा व्हिडीओ न्यूयॉर्कमधील असून, रणबीरचा ट्रेनर त्याच्या या नव्या लूकविषयी चाहत्यांना परिचित करून देताना दिसत आहे. रणबीरचा ट्रेनर म्हणतो की, आम्ही नुकतेच जिममधून वर्कआउट करून बाहेर पडलो आहे. हा पहा तुमचा ‘जग्गा जासूस’. त्याचबरोबर तो रणबीरच्या आहाराविषयीदेखील सांगताना दिसतो. जेव्हा तो याबाबतची माहिती सांगत असतो, तेव्हा रणबीरच्या चेहºयावरील हास्य बघण्यासारखे असते. चित्रपटाविषयी सांगायचे झाल्यास, संजय दत्तने चित्रपटाच्या शूटिंगअगोदरच संपूर्ण टीम त्याच्या घरी एक शानदार पार्टी दिली होती. पार्टीनंतर अशी बातमी आली होती की, संजूबाबाने रणबीरची भूमिकेविषयी खूपच खिल्ली उडविली होती. तसेच रणबीर माझ्या भूमिकेसाठी फिट बसत नसल्याचेही म्हटले होते. तसेच रणबीरने लड्डू आणि बर्फीसारखे चित्रपट करावेत असा सल्लाही त्याला दिला होता. त्याच्या मते, रणबीरचा लूक मॅचोमॅनवाला नाही. संजूबाबाची हीच बाब रणबीरला खूप खटकली होती, त्याने त्याच्या लूकवर एवढी मेहनत घेतली की, आता संजूबाबाचेही मत परिवर्तन झाले असावे. असो, रणबीरचा हा लूक सध्या चर्चेचा विषय ठरत आहे.