'टाइगर ३'(Tiger 3)च्या रिलीजला आता काही तास उरले आहेत. सलमान खान(Salman Khan)चा स्पाय थ्रिलर चित्रपट दिवाळीच्या खास मुहूर्तावर चित्रपटगृहांमध्ये प्रदर्शित होण्यासाठी सज्ज आहे. या चित्रपटाबाबत चाहते खूप उत्सुक आहेत. रिलीजपूर्वी सलमान खानने 'टाइगर ३' संदर्भात चाहत्यांना विनंती केली आहे. सलमानने चाहत्यांना सोशल मीडियाच्या माध्यमातून 'टाइगर ३'चे स्पॉयलर शेअर करू नका, असे आवाहन केले आहे.
सलमान खानने त्याच्या इंस्टाग्राम स्टोरीवर लिहिले की, 'आम्ही 'टाइगर ३' खूप उत्कटतेने बनवला आहे आणि जेव्हा तुम्ही चित्रपट पाहाल तेव्हा आम्हाला बिघडवणाऱ्यांपासून वाचवण्यासाठी आम्ही तुमच्यावर अवलंबून आहोत. स्पॉयलर चित्रपट पाहण्याचा अनुभव खराब करू शकतात. आमचा तुमच्यावर विश्वास आहे जे योग्य आहे ते करा. आम्हाला आशा आहे की 'टाइगर ३' ही तुमच्यासाठी आमच्याकडून दिवाळीची सर्वोत्तम भेट ठरेल!! तो उद्या हिंदी, तमिळ आणि तेलगू भाषेत चित्रपटगृहांमध्ये प्रदर्शित होणार आहे.
कतरिनानेही शेअर केली पोस्टसलमान खान व्यतिरिक्त, कतरिना कैफने देखील स्पॉयलर शेअर न करण्याबद्दल पोस्ट केली आहे. तिने लिहिले की, "'टाइगर ३' मधील कथानकाचे ट्विस्ट आणि आश्चर्यांमुळे चित्रपट पाहण्याचा अनुभव आणखी चांगला होतो! म्हणून, आम्ही तुम्हाला विनंती करतो की कोणत्याच स्पॉयलर्सचा खुलासा करू नका. आमच्या प्रेमाने केलेल्या परिश्रमाचे रक्षण करण्याची शक्ती तुमच्या हातात आहे जेणेकरून ते लोकांना सर्वोत्तम मनोरंजन देऊ शकेल. धन्यवाद आणि दिवाळीच्या शुभेच्छा!'
यशराज फिल्म्सच्या बॅनरखाली आणि मनीष शर्माच्या दिग्दर्शनाखाली बनलेला 'टाइगर ३' हा टाइगर फ्रँचायझीचा तिसरा चित्रपट आहे. अविनाश सिंग राठौरच्या भूमिकेत सलमान खान पुन्हा एकदा चित्रपटात कमबॅक करत आहे. 'टायगर ३'मध्येही कतरिना कैफची दमदार अ‍ॅक्शन पाहायला मिळणार आहे.