​अजय देवगनच्या ‘नॉटी स्माईल’चे रहस्य तरी काय?

ब�

��लिवूड अभिनेता अजय देवगन वेगवेगळ्या भूमिका साकारून काही तरी नवे करण्याचा प्रयत्न करीत आहे. याच मालिकेतील त्याचा शिवाय हा चित्रपट मागील वर्षी रिलीज झाला होता. दरन्यान त्याचा एक नॉटी स्माईल असलेला फोटो सध्या चांगलाच चर्चेत आला आहे. या नॉटी स्माईलमागचे रहस्य त्याच्या आगामी चित्रपटात लपलेले आहे. 

अजय देवगनच्या आगामी रोमाँटिक कॉमेडी चित्रपटाचा फर्स्ट लूक रिलीज केला आहे. अजय देवगनच्या आगामची रोम-कॉमच्या फर्स्ट लूक मध्ये नॉटी स्माईल देताना दिसतो आहे. अजय देवगनच्या हा लूक बरेच दिवसानंतर त्याच्या चाहत्यांना पहायला मिळणार आहे. यात अजय कॉॅफी बनविताना आणि नॉटी स्माईलच्या मूडमध्ये दिसतो आहे. अजयच्या मागे एक पाठमोरी मुलगी दिसत आहे. ती केवळ शर्टमध्ये असून बालकनीकडे जात आहे. बालकनीच्या समोर समुद्र दिसत असून हे दृष्य खूपच सुंदर आहे. या चित्रपटात रोमांसचा जोरदार तडका असल्याचे सांगण्याचा प्रयत्न करण्यात आला असून दिग्दर्शक यात यशस्वी ठरला आहे. शहरी नात्यांवर आधारित हा चित्रपट असू शकतो असा अंदाज लावला जात आहे. 



अजय देवगनचा आगामी चित्रपटाचे नाव अद्याप जाहीर करण्यात आले नाही. हा चित्रपट प्यार का पंचनाम फेम निर्माते लव रंजन यांच्या बॅनरखाली तयार केला जात आहे. या चित्रपटाचे दिग्दर्शन अविक अली करीत आहे. अविकचा दिग्दर्शित करीत असलेला हा पहिला चित्रपट असला तरी त्याने आतापर्यंत ३० हून अधिक चित्रपटात सहाय्यक म्हणून काम केले आहे. चित्रपटाबद्दल फारसे न बोलता लव रंजन म्हणाला, अजय देवगनला नैसर्गिक रुपात पाहणे हे खरोखरच आनंददायी आहे. तो शांत डोक्याचा मानूस आहे. आम्ही आमच्या आगामी चित्रपटात त्याचे हेच नैसर्गिक रूप दाखविण्याचा प्रयत्न केला आहे. त्याची विनोद करण्याची क्षमता ही सर्वांनाच ठाऊक आहे याचाही फायदा आम्हाला होणार आहे.