बॉलिवूड इंडस्ट्रीमध्ये विद्या बालनने आज 14 वर्षे पूर्ण केले. 14 वर्षांच्या करिअरमध्ये विद्याने अनेक अभिनेत्यांसोबत काम केले मात्र शाहरुख खानसोबत ती फक्त 2 गाण्यांमध्ये झळकली आहे. एका फॅनच्या प्रश्नाला उत्तर देताना विद्या म्हणाली, पहिल्या मुलाखती दरम्यान माझ्या पाया खालची जमीन सरकली होती.
15 ऑगस्टला विद्या बालनाचा मिशन मंगल सिनेमा प्रेक्षकांच्या भेटीला आला आहे. या सिनेमात विद्याने वैज्ञानिक आणि गृहिणीची भूमिका चोख निभावली आहे. मिशन मंगल सिनेमाची बॉक्स ऑफिसवरील घौडदौड अजूनही कायम आहे. पहिल्याच दिवशी या सिनेमाने 29.16 कोटींची कमाई करत नवा विक्रम रचला होता. आतापर्यंत या सिनेमाने 60 कोटींपेक्षा जास्तीची कमाई केली आहे. यात विद्यासोबत अक्षय कुमार, तापसी पन्नू, सोनाक्षी सिन्हा यांच्या मुख्य भूमिका आहेत. समीक्षकांनीही या सिनेमाचे कौतूक केले आहे.