कोरोना व्हायरसच्या प्रादुर्भावापासून स्वतःचं संरक्षण करण्यासाठी सगळे लॉकडाउन आहेत. त्यामुळे सगळे घरात बंद आहेत. लोक घरात कंटाळू नयेत म्हणून त्यांच्या मनोरंजनासाठी रामायण व महाभारत सारख्या जुन्या मालिका पुन्हा प्रसारीत केल्या जात आहेत. त्यात कपिल शर्मा शोमध्येदेखील प्रेक्षकांची ऑनस्क्रीन लोकप्रिय जोडी सलमान खान व कतरिना कैफ पहायला मिळाले. हा व्हिडिओ जेव्हा सलमान व कतरिना त्यांच्या भारत चित्रपटाच्या प्रमोशनसाठी द कपिल शर्मा शोमध्ये आले होते तेव्हाचा आहे.
सोनी टिव्हीने त्यांच्या अधिकृत ट्विटर अकाउंटवर एक व्हिडिओ शेअर करत आहे. या व्हिडिओतून सलमान व कतरिनाचा एपिसोड शनिवारी प्रसारीत केल्याचे सांगितले. हा एपिसोड जुना असला तरी मजेशीर आहे. यावेळी सलमान व कतरिनाची छान केमिस्ट्री पहायला मिळाली. तसेच यावेळी अर्चना पूरण सिंग कतरिनाच्या डाएटबद्दलही विचारले होते.
रिपब्लिक वर्ल्डच्या रिपोर्टनुसार, सलमान लॉकडाउनमध्ये त्याच्या नव्या सिनेमाच्या स्क्रीप्ट वाचत आहेत. यादरम्यान हे निश्चित झालं आहे की सलमान टायगरच्या सीक्वलवर काम करणार आहे. अद्याप याची कोणतीही अधिकृत घोषणा झालेली नाही.