अंडरवर्ल्ड डॉनच्या भीतीपोटी गायब झालेली ‘वीराना’ची ‘ती’ सेक्सी अभिनेत्री कुठे असेल?

बॉलिवूडमध्ये जर हॉरर चित्रपटांविषयी बोलायचे झाल्यास लगेचच ‘रामसे ब्रदर्स’ यांच्या ‘वीराना’ या चित्रपटाची आठवण होते. कारण सर्वाधिक यशस्वी चित्रपट म्हणून ‘वीराना’चा उल्लेख आजही केला जातो. १९८० दशकात रिलीज झालेल्या या चित्रपटाने प्रेक्षकांच्या मनात भीती निर्माण केली होती, त्याचबरोबर चित्रपटात हॉरर भूमिका साकारणाºया हॉट अ‍ॅण्ड सेक्सी अभिनेत्रीने प्रेक्षकांना वेडही लावले होते. परंतु सध्या ही अभिनेत्री अचानकच गायब झाल्याने ती नेमकी कुठे गेली असावी, असा प्रश्न आता उपस्थित केला जात आहे. ‘वीराना’, ‘बंद दरवाजा’ आणि ‘पुराणी हवेली’ या चित्रपटांमधून बॉलिवूडमध्ये झळकलेली ‘जॅस्मिन’नंतर मात्र इंडस्ट्रीमधून गायबच झाली. ‘वीराना’च्या प्रचंड यशानंतर जॅस्मिन रातोरात स्टार बनली होती. मात्र तिचे हेच यश कदाचित तिच्यासाठी घातक ठरले असावे. कारण पुढच्या काळात तिला फारशा आॅफर्स मिळाल्या नसल्याने तिला बॉलिवूडच नव्हे तर देशच सोडावा लागला. खरं तर ‘वीराना’ रिलीज झाल्यानंतर लोक जॅस्मिनच्या अभिनयाचे आणि हॉट अंदाजाचे अक्षरश: दिवाने झाले होते. सूत्रानुसार जॅस्मिनला या चित्रपटामुळे सातत्याने अंडरवर्ल्डकडून फोन येत होते. तिच्या सेक्सी अदांवर संपूर्ण अंडरवर्ल्ड तिच्यावर लट्टू झाला होता. तिच्या सौंदर्याची अंडरवर्ल्ड डॉनवर अशी काही नशा चढली होती की, तो जॅस्मिनला मिळवण्यासाठी वाट्टेल ते प्रयत्न करत होता. मात्र या प्रकरामुळे जॅस्मिन प्रचंड घाबरली होती. शिवाय ती फोन कॉल्सला वैतागली होती. अखेर तिने देश सोडण्याचा निर्णय घेतला. त्यामुळे ती पुन्हा बॉलिवूडमध्ये बघावयास मिळाली नाही. मात्र अशातही जॅस्मिन कुठे आहे हे अजूनही कोणालाच माहिती नाही. जॅस्मिनने देश सोडल्यानंतर फॅन्ससाठी तिचा ठावठिकाणा रहस्य बनून राहिला आहे. काहींच्या मते ती अमेरिकेत तिच्या प्रेमीसोबत राहत आहे. तर काहींच्या मते तिने केव्हाच या जगाचा निरोप घेतला आहे. एकंदरीतच जॅस्मिनचा ठावठिकाणा कोणालाच माहीत नसल्याने बॉलिवूडसाठी हे नाव एकप्रकारे रहस्यच बनले आहे.