बॉलिवूडचा किंग खान शाहरुख (Shah Rukh Khan)ला बॉलिवूडचा बादशाह मानला जातो. त्याची फॅन फॉलोइंगही कोटींच्या घरात आहे. अभिनय कौशल्याच्या जोरावर शाहरुख खानचे परदेशातही खूप चाहते आहेत. पण, ते कोणता स्मार्टफोन वापरतात हे तुम्हाला माहिती आहे का? त्याच्या एका पोस्टमधून ही बाब समोर आली आहे. खरंतर, त्याने बॉलिवूडमध्ये ३० वर्षे पूर्ण झाल्याबद्दल एक सेल्फी शेअर केला आहे. जो लोकांना खूप भावतो आहे. या सेल्फीच्या माध्यमातूनच लोकांना त्याच्या स्मार्टफोनची माहिती मिळाली.
शाहरुख खान वापरत असलेला स्मार्टफोन एप्रिल महिन्यात सर्वाधिक विक्री होणाऱ्या टॉप पाच स्मार्टफोन्सपैकी एक होता. तो गेल्या वर्षी लॉन्च केलेला Apple iPhone 13 Pro Max वापरतो. हा फोन भारतात 1,29,900 रुपयांना सादर करण्यात आला होता. शाहरुख खानच्या पोस्टमध्ये असे दिसून येते की त्याच्या हातात iPhone 13 Pro Max चा सियेरा ब्लू रंगाचा पर्याय आहे. iPhone 13 Pro Max चे इतर स्टोरेज प्रकार देखील उपलब्ध आहेत ज्यांची किंमत आणखी जास्त आहे. या फोनवर त्यांनी मॅगसेफकडे क्लिअर केस ठेवली आहे. भारतात त्याची किंमत 4900 रुपये आहे.