बॉलिवूड अभिनेत्री जान्हवी कपूर (Janhvi Kapoor) सोशल मीडियावर खूप सक्रीय आहे. अभिनेत्री दररोज तिचे ग्लॅमरस फोटो शेअर करत असते. काही काळापूर्वी तिने एका मिस्ट्री बॉयसोबतचे काही फोटो शेअर केले होते, ज्यात ती त्याच्या जास्त जवळ पाहायला मिळत आहे. पुन्हा एकदा अभिनेत्रीचा खास मित्र सोशल मीडियावर व्हायरल होत आहे. लोकांना जाणून घ्यायचे आहे की जान्हवीसोबतचा हा मिस्ट्री बॉय आहे तरी कोण?
बॉलिवूडची दिग्गज अभिनेत्री श्रीदेवीची मुलगी जान्हवी कपूरने बॉलिवूडमध्ये दमदार पदार्पण केले आहे. तिने अल्पावधीतच बॉलिवूडमध्ये आपले स्थान निर्माण केले आहे. जान्हवीने धडक सिनेमातून अभिनय क्षेत्रात डेब्यू केले आहे. या चित्रपटातील तिचा सहकलाकार ईशान खट्टरसोबत तिचे नाव जोडले गेले होते. तिला ईशानसोबतही अनेकदा स्पॉट केले होते, पण कालांतराने त्यांचे मार्ग वेगळे झाले. पण दरम्यान, अभिनेत्रीचा असा एक व्हिडिओ व्हायरल होत आहे, ज्यामध्ये ती एका मुलाच्या अगदी जवळ दिसत आहे.
आगामी प्रोजेक्ट
जान्हवी कपूरच्या वर्कफ्रंटबद्दल सांगायचे झाले तर, ती शेवटची रुही चित्रपटात दिसली होती. हा एक हॉरर कॉमेडी चित्रपट होता, ज्यामध्ये तिच्यासोबत राजकुमार राव आणि वरुण शर्मा देखील दिसले होते. मात्र, लोकांना हा चित्रपट फारसा आवडला नाही. जान्हवीकडे सध्या अनेक मोठे प्रोजेक्ट्स आहेत. या चित्रपटांमध्ये गुड लक जेरी आणि दोस्ताना २ सारख्या सिनेमांचा समावेश आहे.