'यमला पगला दीवाना3' मध्ये काजल अग्रवाल कोणासोबत करणार रोमांस ?

'यमला पगला दीवाना 3' चित्रपटाची घोषणा झाल्यानंतर आता असे कळतेय की चित्रपटांच्या निर्मात्यांना पहिली अभिनेत्री मिळाली आहे. याचित्रपटांच्या आधीच्या दोन भागांमध्ये ज्येष्ठ अभिनेते धर्मेंद्र आपल्या दोन मुलांसोबत दिसले होते. तिसऱ्या भागतही त्यांच्यासोबत सनी देओल आणि बॉबी देओल दिसणार आहे. चित्रपटात नेहमी एक नव्या चेहऱ्याला स्थान दिले जाते या ही वेळी ही परंपरा कायम ठेवण्यात आली आहे. एक वृत्तपत्राच्या म्हणण्यानुसार या चित्रपटात साऊथची प्रसिद्ध अभिनेत्री काजल अग्रवाल हिची वर्णी लागली आहे.     मीडिया रिपोर्टनुसार काजलला या चित्रपटासाठी एका महिन्यापूर्वीचे साईन करण्यात आले आहे. ती एका आधुनिक मुलीच्या भूमिकेत दिसणार आहे. तिच्या भूमिकेला अनेक शेड्स आहेत. यमला पगला दीवाना 3चे शूटिंग ऑगस्टमध्ये सुरु होईल. चित्रपटाचे पहिले शूट हैदराबादच्या रामोजी फिल्म सिटीमध्ये केले जाणार आहे. चित्रपटाचे बरेचशे चित्रिकरण पंजाब, मुंबई आणि गुजरातमध्ये होणार आहे. also read : ​धर्मेन्द्र-सनी-बॉबी देओल परतणार! ‘यमला पगला दिवाना3’ येणार!!  सूत्रांनी दिलेल्या माहितीनुसार 'यमला पगला दीवाना 3'मध्ये धमेंद्र, सनी आणि बॉबी एक नव्या भूमिकेत दिसणार आहेत.  या चित्रपटाच्या निमित्ताने काजल अग्रवालला पहिल्यांदाच धमेंद्र, सनी आणि बॉबी देओलबरोबर काम करण्याची संधी मिळणार आहे. काजल शेवटची रणदीप हुड्डासोबत 'दो लफ्जों की कहानी' याचित्रपटात झळकली होती. काजलच्या आगामी चित्रपटाचे नाव नेने राजू नेने मंत्री है आहे. या चित्रपटात ती बाहुबली स्टार राणा दग्गुबातीसह दिसणार आहे. काही दिवसांपूर्वीच या चित्रपटाचे ट्रेलर रिलीज करण्यात आले आहे. काजलने अजय देवगनसह सिंघम चित्रपटातून बॉलिवूडमध्ये पदार्पण केले होते. या चित्रपट त्यांची केमिस्ट्री रसिकांना आवडली होती.