बॉलिवूडचा अॅक्शन हिरो (Bollywood Action Hero) अजय देवगण (Ajay Devgan) लवकरच लोकप्रिय शो Into The Wild with Bear Grylls मध्ये दिसणार आहे. शोच्या नवीन भागाचा ट्रेलर नुकताच रिलीज करण्यात आला आहे. यामध्ये अजय देवगण आणि बेअर ग्रिल्स धोक्यांशी लढताना साहस आणि साहसाने भरलेल्या प्रवास पूर्ण करतील. हा भाग २२ ऑक्टोबर रोजी डिस्कव्हरी प्लसवर (Discovery +) प्रसारित केला जाईल.
"Bear Grylls सोबत मी हिंद महासागरातील निर्जन बेटे एक्सप्लोअर केली. हा कोणताही खेळ नाही ब्रो. आमच्या Into The Wild मधील अविस्मरणीय प्रवासाची झलक. २२ ऑक्टोबर रोजी डिस्कवरी प्लसवर आणि २५ ऑक्टोबर रोजी डिस्कवरी चॅनेलवर प्रसारण होईल," असं अजय देवगणनं ट्रेलर शेअर करत लिहिलं आहे.
हा एपिसोड सप्टेंबर महिन्यात मालदीव मध्ये शूट करण्यात आला होता. मालदीवमध्ये अजय देवगण सोबत त्याचा मुलगा युग आणि टीम उपस्थित होती. ट्रेलरमध्ये अजय देवगण हा काही खेळ नाही असं म्हणताना दिसतोय, तर बेअर ग्रिल्स हा आपला परिसर आहे असं सांगताना दिसत आहे.