बॉलिवूड अभिनेता सोनू सूद (Sonu Sood) नेहमीच लोकांची मदत करताना दिसतो. त्याच्या घराची दारं गरजू लोकांसाठी नेहमीच उघडी असतात. नुकतीच एक महिला आपल्या पतीची तक्रार घेऊन अभिनेत्याकडे पोहोचली. सोनू सूदनेही महिलेचं म्हणणं ऐकून घेतलं आणि नंतर तिच्या समस्येचं समाधान काढलं.
सोनू सूदचा व्हिडीओ सोशल मीडियावर व्हायरल झाला आहे. नुकतात अभिनेता एका महिलेच्या खाजगी आयुष्यात सुरू असलेली समस्या दूर करताना दिसला. एक महिला आपल्या पतीची तक्रार घेऊन सोनू सूदकडे आली होती. सोनू सूदने महिलेची समस्या समजून घेत महिलेच्या पतीला व्हिडीओ कॉल केला आणि त्याला म्हणाला की, मला गॅरंटी द्या की तुम्ही मुलीची काळजी घ्याल, तुम्ही मला गॅरंटी द्या आणि मग मी तुमच्या मुलीसोबत तुम्हाला भेटणार.
या व्हिडीओवर सोनू सूदचे फॅन्स भरभरून कमेंट्स करत आहेत. अभिनेत्याच्या मोठ्या मनाचं सगळेजण कौतुक करत आहेत. सोनू सूद गेल्या काही महिन्यांपासून लोकांची मदत करताना दिसत आहे. त्यासंबंधी त्याचे व्हिडीओही सोशल मीडियावर व्हायरल होत असतात.
सोनू सूदने कोरोना काळात अनेक गरजू लोकांची मदत केली. त्यामुळे तो अनेकांच्या आयुष्यातील सुपरहिरो ठरला आहे. पण तो सिनेमात व्हिलनच्या भूमिका साकारतो. आज तो साउथ सिनेमांमधील सर्वात लोकप्रिय व्हिलनपैकी एक आहे. तर बॉलिवूडमध्येही त्याची वेगळी जागा आहे.