2016 साली इंटिमेट सीन्समुळे चर्चा झाली या बोल्ड सिनेमांची?

चित्रपटरसिकांना विविध प्रकारचे सिनेमा भावतात. प्रत्येक रसिकाची आवड वेगळी असते. मात्र सगळ्यात जास्त चर्चा होते ती हॉट आणि बोल्ड सिनेमांची. अश्लील दृष्यं, एडल्ट कंटेट यामुळे या सिनेमांची जोरदार हवा निर्माण होते. 2016 या वर्षातही असेच काही सिनेमा रुपेरी पडद्यावर झळकले. यापैकी बहुतांशी सिनेमा एडल्ट कंटेटमुळे रसिकांना थिएटरपर्यंत आणण्यात यशस्वीसुद्धा ठरले. मात्र बॉक्स ऑफिसवर या सिनेमांची काहीच जादू झाली नाही. बोल्ड सीन्स आणि अश्लील संवाद यामुळे हे सिनेमा वादाच्या भोव-यातही अडकले. सेन्सॉरचीही या सिनेमांवर कात्री चालली. तर एक नजर टाकूया 2016 सालातील अशाच काही चर्चेत आणि वादात राहिलेल्या बोल्ड सिनेमांवर वन नाईट स्टँड सरत्या वर्षातील बोल्ड सिनेमा म्हणजे वन नाईट स्टँड. पॉर्न स्टार आणि हॉट-सेक्सी अभिनेत्री सनी लिओनीची प्रमुख भूमिका असलेल्या या सिनेमात अश्लील सीन्सचा भरणा होता. सिनेमात सनीचा हॉट आणि तितकाच सेक्सी अंदाज पाहायला मिळाला. एक तरुण आणि तरुणीनं घालवलेल्या एका रात्रीवर आधारित या सिनेमाची कथा आहे. या रात्रीत दोघं एकमेंकांच्या जवळ येतात आणि त्यांचे शारीरिक संबंध जुळतात. यातूनच दोघांमध्ये प्रेम जडतं असं या सिनेमाचे कथानक होते. इश्क जुनून बॉलीवुडचा 2016 साली रिलीज झालेला आणखी एक बोल्ड सिनेमा म्हणजे इश्क जुनून – द हिट इज ऑन. या सिनेमाचा ट्रेलर भलताच हॉट होता. या सिनेमाची कथा एका तरुणीवर आधारित होती जी दोन तरुणांच्या जाळ्यात अडकते. एक तरुणावर तिचे प्रेम असते. तर दुसरा तरुण तिला आपल्याकडे खेचण्याचा प्रयत्न करत असतो. या सिनेमात पहिल्यांदाच तिहेरी शारीरिक संबंध दाखवण्यात आले होते. राजबीर सिंह, दिव्या सिंह, अक्षय रंगशाही आणि अनुज शर्मा यांच्या या सिनेमात प्रमुख भूमिका होत्या. या सिनेमाचं पोस्टरही तितकंच वादग्रस्त होतं. त्यावर अनेकांनी आक्षेप घेतला होता. मस्तीजादे मस्तीजादे या सिनेमात पॉर्नस्टार आणि बॉलीवुडची सेक्सी अभिनेत्री सनी लिओनीचा हॉट अवतार रसिकांना पाहायला मिळाला. सिनेमाच्या एका ट्रेलरमध्ये तर सनी न्यूड पाहायला मिळाली होती. सनीने केलेल्या सिनेमांमध्ये या सिनेमातील तिचा अवतार अधिक बोल्ड आणि हॉट होता. हा सिनेमा 2015 सालीच रसिकांच्या भेटीला येणार होता. मात्र हॉट सीन्समुळे सेन्सॉर बोर्डाने या सिनेमाला सर्टिफिकेट दिले नव्हते. या सिनेमात सनीचा डबल धमाका रसिकांना अनुभवता आला. कारण या सिनेमात सनीचा डबल रोल होता. तुषार कपूर आणि वीर दास या सिनेमात सनीचे कोस्टार होते. ग्रेट ग्रँड मस्ती मस्ती सिनेमाचा तिसरा भाग म्हणजे ग्रेट ग्रँड मस्ती हा सिनेमा. आधीच्या सिनेमांप्रमाणे या सिनेमातही बोल्ड सीन्स, अश्लील दृष्य आणि डबल मिनिंग असलेले संवाद होते. याआधीच्या मस्ती सिनेमाच्या सिक्वेलचे प्रमुख कलाकार रितेश देशमुख, विवेक ओबेरॉय आणि आफताब शिवदासानी यांनी यांनी ग्रेट ग्रँड मस्ती या सिनेमात प्रमुख भूमिका साकारली. याशिवाय सना खान, ऊर्वशी रौटेला आणि पूजा चोपडा यांच्याही या सिनेमात महत्त्वाच्या भूमिका होत्या. क्या कूल हैं हम-3 2016 साली रिलीज झालेला आणि एडल्ट कॉमेडी असलेल्या क्या कूल हैं हम-3 या सिनेमानं अश्लीलतेच्या सा-या सीमा पार केल्या. भारतातील पहिला पॉर्न सिनेमा अशी जाहिरात करणारं सिनेमाचे पोस्टर वादग्रस्त ठरले होते. एडल्ट कॉमेडीवर आधारित असलेल्या या सिनेमाची दृष्यंही तितकीच हॉट होती. तुषार कपूर आणि आफताब शिवदासानी यांच्या या सिनेमात प्रमुख भूमिका होत्या. मंदाना करीम हिचा हा पहिला बॉलीवुड सिनेमा होता. यांत तिने बरेच बोल्ड सीन्स होते. बोल्डनेस आणि डबल मिनिंग संवादांमुळे या सिनेमाने बॉलीवुडच्या सगळ्या बोल्ड सिनेमांना मागे टाकले. वजह तुम हो हेट स्टोरी-2 आणि हेट स्टोरी-3 या सिनेमांनंतर दिग्दर्शक विशाल पांड्या यांचा वजह तुम हो हा एक बोल्ड सिनेमा आहे. ट्रेलरवरुन हा एक थ्रिलर सिनेमा असल्याचे वाटते. लव, सेक्स, रोमांस, ऍक्शन असा सारा मसाला या सिनेमात होता. सना खान आणि शर्लिन चोप्रा यांचे या सिनेमात बोल्ड सीन्स होते. लव के फंडे बोल्ड सीन्स आणि अश्लील संवादांमुळे सेन्सॉर बोर्डाने या सिनेमाला ए सर्टिफिकेट दिले होते. शालीन भानोट, रिशंक तिवारी, सूफी गुलाटी, रितिका गुलाटी, हर्षवर्धन जोशी, समीक्षा भटनागर, राहुल सूरी आणि पूजा बॅनर्जी यांच्या या सिनेमात प्रमुख भूमिका होत्या. बेईमान लव पॉर्नस्टार आणि सेक्सी-हॉट अभिनेत्री सनी लिओनीचा 2016 या वर्षातला आणखी एक बोल्ड सिनेमा म्हणजे बेईमान लव. या सिनेमाची कथा आणि दृष्यं बोल्ड होती. सिनेमात सनीसह रजनीश दुग्गलची प्रमुख भूमिका होती. सनी आणि रजनीशनं याआधी लीला या सिनेमात एकत्र काम केलं होतं. यांत दोघांवर बरीच बोल्ड सीन्स चित्रीत करण्यात आले होते. अ स्कँडल बॉलीवुड अभिनेता हरमन बावेजा याचा कजिन बंधू हॅरी बावेजा याचा हा बोल्ड सिनेमा. सिनेमाच्या शीर्षकाप्रमाणेच सिनेमाची कथाही तितकीच अश्लील आणि बोल्ड होती. सेक्स,बिकीनी, बोल्ड सीन्स आणि शिव्यांचा या सिनेमात भडिमार होता. अभिनेत्री रित मुजुमदार, मानव कौल, तन्वी व्यास यांच्या या सिनेमात प्रमुख भूमिका होत्या. लव गेम्स विक्रम भटच्या लव गेम्स या सिनेमात अभिनेत्री पत्रलेखाने बरेच हॉट सीन्स दिले होते. या सिनेमात रमोना ही भूमिका साकारणारी पत्रलेखा आपल्या पार्टनरवर दुस-या एका कपलसह लव गेम खेळण्यासाठी दबाव टाकते. या सिनेमात किसिंग सीन्सचा भडिमार होता. सिनेमाच्या ट्रेलरमध्येही पत्रलेखाचा हॉट अंदाज पाहायला मिळाला. बोल्ड चित्रीकरणामुळे या सिनेमातील 18 सीन्सना कात्री लावण्यात आली होती.