Rani Mukerji And Saif Ali Khan Bunty Aur Babli 2 Trailer: बॉलिवूडचा (Bollywood) अॅक्टर सैफ अली खान (Saif Ali Khan) आणि रानी मुखर्जी (Rani Mukerji) स्टारर फिल्म 'बंटी और बबली 2' (Bunty Aur Babli 2) चा ट्रेलर सोमवारी रिलीज करण्यात आला. या फिल्मचा ट्रेलर ३ मिनिटं ११ सेकंदांचा आहे. या ट्रेलरवरून हा चित्रपट कसा असेल याचा अंदाज बांधता येऊ शकतो. हा चित्रपट २००५ मध्ये प्रदर्शित झालेल्या अमिताभ बच्चन (Amitabh Bachchan), रानी मुखर्जी (Rani Mukerji) आणि अभिषेक बच्चन (Abhishek Bachchan) यांच्या चित्रपटाचा सिक्वेल आहे. यावेळी मात्र अभिषेक बच्चनच्या जाही सैफ अली खान दिसणार आहे.
'बंटी और बबली 2' यशराज फिल्म्सच्या (Yashraj Films) बॅनरखाली तयार करण्यात आला आहे. यावेळी चित्रपटात दोन जोड्या दिसतील. एक सैफ अली खान, राणी मुखर्जी आणि दुसरी जोडी ती म्हणजे सिद्धांत चतुर्वेदी (Siddhant Chaturvedi) आणि शर्वरी. बंटी आणि बबली यांच्याच्या नावाने सिद्धांत चतुर्वेदी आणि शर्वरी अनेकांना लुटतात. त्यानंतर त्या ठिकाणच्या पोलिसांना पुन्हा एकदा बंटी आणि बबली सक्रीय झाल्याचं वाटतं. यानंतर या चित्रपटाची खरी आणि मजेदार कथा सुरू होते.