80 व 90 च्या दशकातला बहुचर्चित अभिनेता चंकी पांडे सध्या ‘प्रस्थानम’ चित्रपटामुळे चर्चेत आहे. या चित्रपटात संजय दत्त, मनीषा कोईराला, जॅकी श्रॉफ, अली फजल, अमायरा दस्तूर असे अनेक स्टार्स आहेत. चंकी पांडे हाही या चित्रपटात एका महत्त्वपूर्ण भूमिकेत आहे. बहुतांश लोक चंकीला सहअभिनेता म्हणून ओळखतात. पण मुख्य अभिनेता म्हणून अनेक चित्रपटांत तो झळकला आहे. अर्थात एक वेळ अशीही आली की, कुणीही चंकीला काम देईना.
मी लोकांना भेटायचो. त्यांना काम मागायचो. नशीबाने मला काम मिळाले. हॅरी बावेजा, सुभाष घई, साजिद नाडियाडवाला यांनी मला मदत केली. माझ्यामते, कुठल्याही कलाकाराला काम मागायची लाज वाटता कामा नये. यशाची चव चाखल्यानंतर अचानक घरी बसण्याची वेळ आलीच तर तुम्ही तणावात जातात. पण यावर मात करता येते. मी मिळेल त्या भूमिका केल्यात. इव्हेंट कंपनी उघडली, एक रेस्टॉरंट सुरू केले. मी स्वत:ला अनेक प्रकारे बिझी केले,’ असे त्याने सांगितले.चंकी पांडे लवकरच ‘जवानी जानेमन’ या चित्रपटात दिसणार आहे.