ऑनलाइन लोकमत
मुंबई, दि. 20 - हॉलिवूडमध्ये पदार्पण करत असलेली बॉलिवूड अभिनेत्री दीपिका पदुकोणच्या 'XXX: The Return of Xander Cage' चित्रपटाचा ट्रेलर रिलीज करण्यात आला आहे. दोन दिवसापुर्वी दिपिकाने टीझर रिलीज केला होता ज्यामध्ये तिचा जबरदस्त आणि हॉट अंदाज पाहायला मिळाला होता. ट्रेलर पाहून चाहत्यांची चित्रपटाबद्दलची उत्सुकता वाढली असली तरी ट्रेलरमध्ये दीपिका मोजकीच दिसत असल्याने निराशा झाली आहे.
दीपिकाचा हा पहिलाच हॉलिवूड सिनेमा आहे. टीझरमधील दिपिकाच्या अभिनयाने चाहत्यांची उत्सुकता अजून वाढवली आहे. नवीन वर्षाच्या सुरुवातीला हा सिनेमा रिलीज होणार आहे. ४८ वर्षीय विन डीजेल यामध्ये 'Xander Cage' ची भूमिका निभावताना दिसणार आहे तर दीपिका 'Serena'च्या भूमिकेत दिसणार आहे. कॅनडामध्ये या चित्रपटाचं शूटिंग झालं आहे. या चित्रपटासाठी दीपिकाने खूप मेहनत घेतली असून काही दिवसांपूर्वी तिच्या जिमममधील ट्रेनिंगचे फोटोही सोशल साईट्सवर झळकले होते.