लागीर झालं रं गाण्याची धूम

रांजण या आगामी चित्रपटात एक शाळकरी मुलगा आणि मुलगी यांच्यातील प्रेमकथा प्रेक्षकांना पाहायला मिळणार आहे. ही प्रेमकथा प्रेम, आकर्षण या भावनांच्या पलीकडे जाऊन एक सामाजिक विचार मांडणार आहे. मुलांचा समाजाकडे पाहण्याचा दृष्टीकोन या चित्रपटात दाखवला जाणार आहे. या चित्रपटाद्वारे यश आणि गौरी असे दोन नवे चेहरे चित्रपटसृष्टीला मिळालेले आहेत. या चित्रपटातील 'लागीर झालं रं' या गाण्याला सध्या सोशल मीडियात खूप चांगला प्रतिसाद मिळत आहे. वैभव जोशीने लिहिलेल्या गाण्याला नरेंद्र भिडे यांनी संगीतबद्ध केलं आहे तर अजय गोगावलेने त्यांच्या खास शैलीत हे गाणं गायलं आहे. 'रांजणह्ण या चित्रपटात शाळेत फुलणारी एक हळूवार प्रेमकथा प्रेक्षकांना पाहायला मिळणार आहे. मात्र ही प्रेमकथा इतर चित्रपटात दाखवल्या गेलेल्या टिपिकल प्रेमकथेसारखी नाहीये. प्रेमाच्या पलीकडे जाऊन केलेला सामाजिक विचार या चित्रपटात मांडलेला आहे. 'लागीर झालं रं'च्या मेकिंगचा व्हिडिओ आणि गाण्याला अल्पावधीत मिळालेला प्रतिसाद पाहून प्रेक्षक या वेगळ्या कथानकाचे नक्कीच कौतुक करतील,' असे लेखक दिग्दर्शक प्रकाश पवार सांंगतात.