अनेक सिनेमा आणि मालिकांमध्ये काम केलेले बालकलाकार (Child Actors) आता मोठे झालेत. त्यांचे लेटेस्ट बघून त्यांना ओळखणं ही कठीण झालायं. सध्या ते कुठे आहेत, काय करतात, कसे दिसतात हे जाणून घेण्यासाठी त्यांचे चाहते उत्सुक असतात. अशाच एका बालकलाकारबाबत आपण आज जाणून घेणार आहोत. बॉलिवूडचा मिस्टर परफेक्शनिस्ट आमिर खानच्या सुपरहिट चित्रपट 'तारे जमीन पर'मध्ये ईशानची भूमिका साकारणार बालकलाकार आता मोठा झालाय. २००७ साली रिलीज झालेल्या या चित्रपटात त्याने आपल्या अभिनय कौशल्याने प्रेक्षकांची खूप प्रशंसा मिळवली होती. या चित्रपटाला रिलीज होऊन आता 15 वर्षे झाली आहे.
'तारे जमीन पर'मधील ईशान म्हणजेच दर्शील सफारी आता मोठा झालाय. आज दर्शील आपला 25 वा वाढदिवस साजरा करतो आहे. त्याचे लेटेस्ट फोटो बघून चाहते थक्क झालेत.आपल्या दमदार अभिनयाने प्रेक्षकांची मनं जिंकणाऱ्या दर्शीलला 2008 मध्ये सर्वात कमी वयात फिल्मफेरचा बेस्ट अॅक्टर हा पुरस्कार देण्यात आला होता.