श्रेयस तळपदेच्या आत्याबाईंना पाहिलंत का? हिंदी सिनेइंडस्ट्रीतल्या आहेत प्रसिद्ध अभिनेत्री, पाहा कोण आहेत त्या?

Shreyas Talpade : आज श्रेयसचा वाढदिवस असून तो ४८ वर्षांचा झाला आहे. त्याच्या वाढदिवसानिमित्त जाणून घेऊयात त्याच्याविषयी काही खास गोष्टी.

मराठी आणि हिंदी चित्रपटसृष्टीतील लोकप्रिय अभिनेता श्रेयस तळपदे (Shreyas Talpade) याने आपल्या अभिनय कौशल्याच्या जोरावर रसिकांच्या मनात स्थान निर्माण केले आहे. आज श्रेयसचा वाढदिवस असून तो ४८ वर्षांचा झाला आहे. त्याच्या वाढदिवसानिमित्त जाणून घेऊयात त्याच्याविषयी काही खास गोष्टी. फार मोजक्या लोकांना माहित असेल की श्रेयसच्या आत्या या हिंदी सिनेइंडस्ट्रीतील प्रसिद्ध अभिनेत्री आहेत. कोण असतील त्या, असा प्रश्न तुम्हाला पडला असेल ना. तर मीना टी (Meena T) आणि जयश्री टी (Jayashree T) या अभिनेत्री श्रेयसच्या आत्या आहेत.

अभिनेता श्रेयस तळपदेचे वडील अभिनेत्री मीना टी. आणि जयश्री टी. यांचे भाऊ आहेत. त्या दोघी श्रेयसच्या आत्या असल्याचे फार कमी लोकांना माहित आहे. त्याच्या आत्या बऱ्याच चित्रपटात काम करताना दिसल्या आहेत. एका मुलाखतीत श्रेयसने सांगितले होते की, त्याच्या आत्यांमुळेच त्याला सिनेइंडस्ट्रीत काम करण्यासाठी प्रेरणा मिळाली. 

कलाविश्वात स्थिरावण्यासाठी श्रेयसने कधीच कुणाची मदत घेतली नाही. त्याच्या आयुष्यात एक अशीही वेळ आली होती, जेव्हा त्याच्याकडे खाण्यासाठीही पैसे नव्हते. आता प्रत्येक चित्रपटासाठी २-३ कोटींचे मानधन घेणाऱ्या श्रेयसकडे कधीकाळी घरभाड्याचे पैसे देखील नसायचे. त्याने त्याच्या टॅलेंटच्या जोरावर सिनेइंडस्ट्रीत आपली ओळख निर्माण केली.

वर्कफ्रंट..

श्रेयस तळपदेने केवळ अभिनयातच नाही, तर आपल्या आवाजाने देखील चाहत्यांना भुरळ घातली आहे. पुष्पा: द राईज या चित्रपटात त्याने अल्लू अर्जुनने साकारलेल्या पुष्पा या पात्राला आपला आवाज दिला आहे. त्यामुळे तो खूप चर्चेत आला. याशिवाय श्रेयस तळपदे निर्माता आणि दिग्दर्शक देखील आहे. तब्बल २० वर्षांच्या अभिनय कारकिर्दीत त्याने अनेक सुपरहिट चित्रपट दिले आहेत. याशिवाय त्याने मालिकेतही काम केले आहे.