'बागी ३' चित्रपटातील 'दस बहाने 2.0' आणि 'भंकस' सारख्या चार्टबस्टर गाण्यांनी प्रेक्षकांचे मनोरंजन केल्यानंतर निर्मात्यांनी आगामी गीतातील 'डू यू लव्ह मी'मधील दिशा पटानीचा सिझलिंग लूक रिलीज केला आहे. तिचा हा लूक पाहून त्याचे चाहते या गाण्याची उत्सुकतेने वाट पाहत आहे.
बागी ३ चित्रपटातील 'डू यू लव्ह मी' गाण्याबद्दल दिशा पटानी म्हणाली की, हे एक असे गाणे आहे, जे निश्चितपणे तुम्हाला आपल्या ठेक्यावर थिरकायला लावेल. जेव्हा मी हे गाणे पहिल्यांदा ऐकले तेव्हाच मी याच्या प्रेमात पडले होते. मी या आधी कधी अशा प्रकारची नृत्यशैली आजमावली नव्हती. हे आव्हानात्मक होते, पण मी या दरम्यान खूप एन्जॉय केले. आदिल सरांनी (शेख, कोरियोग्राफर) याला छान शूट केले आणि अहमद सरांनी मी यात सर्वोत्तम दिसेन याची काळजी घेतली आहे. मला खात्री आहे की हे गाणे दर्शकांना नक्कीच आवडेल"