अनेक कलाकार मंडळी स्वतःच्या बालपणीचे फोटो सोशल मीडियावर त्यांच्या चाहत्यांबरोबर शेअर करताना पाहायला मिळतात. लहानपणीचे ते गोड आणि निरागस फोटो पाहून आपल्याला स्वतःचेच कौतुक वाटत असते. एवढेच नाही तर आपले जुने फोटो पाहून आपल्याला पुन्हा लहान झाल्यासारखे वाटते. परत एकदा बालपण अनुभवायला मिळाले असते तर किती बरे झाले असते असे प्रत्येक व्यक्तीला वाटत असते. या फोटोतील अभिनेत्रीला ओळखलंत का? ही अभिनेत्री म्हणजे हेमांगी कवी (Hemangi Kavi). हेमांगी कवी हिने नुकताच सोशल मीडियावर बालपणीचा फोटो शेअर केला आहे.
अभिनेत्री हेमांगी कवी हिने इंस्टाग्रामवर बालपणीचा फोटो शेअर केला आहे आणि यासोबतच तिने आताचेही काही फोटो शेअर केले आहेत. हे फोटो शेअर करत तिने लिहिले की, ही तिच व्यक्ती आहे का?. हेमांगीच्या या फोटोंना चाहत्यांची पसंती मिळताना दिसते आहे. तिच्या या फोटोवर लाइक्स आणि कमेंट्सचा वर्षाव होताना दिसत आहे. या फोटोवर एका युजरने लिहिले की, तू तशीच दिसते. दुसऱ्या युजरने लिहिले की, तुम्हाला माहित्येय का, तुम्हाला पाहिले की एक वेगळीच प्रेरणा मिळते. सावळा रंग सोन्यालाही मागे टाकतो. तू नेहमीच परफेक्ट आणि सुंदर दिसते. आणखी एका युजरने म्हटले की, ते काहीही असो आय लव्ह यू. भारीच आहेस तू. दिसणे तर सुंदरच पण माणूस म्हणून त्याहून सुंदर.
हेमांगी कवी मराठी सिनेइंडस्ट्रीतील प्रसिद्ध अभिनेत्री आहे. तिने मालिका, चित्रपट आणि नाटक अशा तिन्ही माध्यमात काम केले आहे. ती कलाविश्वाप्रमाणे सोशल मीडियावर कमालाची सक्रीय असल्याचं पाहायला मिळतं. यात अनेकदा ती वैयक्तिक जीवनासह समाजात घडणाऱ्या प्रत्येक घटनेवर तिचं उघडपणे मत व्यक्त करत असते.