बॉलिवूडचा निर्माता-दिग्दर्शक करण जोहरचा चित्रपट 'दोस्ताना २' मधून नुकताच कार्तिक आर्यनला बाहेरचा रस्ता दाखवण्यात आला आहे. त्यानंतर आता कार्तिक आर्यनच्या जागी कोणत्या अभिनेत्याची वर्णी लागणार हे जाणून घेण्यासाठी चाहते उत्सुक आहेत. दरम्यान या चित्रपटात विकी कौशलची वर्णी लागल्याचे बोलले जात होते. मात्र आता सूत्रांकडून मिळालेल्या माहितीनुसार कार्तिक आर्यनच्या जागी राजकुमार रावची वर्णी लागणार आहे.
सूत्रांकडून मिळालेल्या माहितीनुसार, दोस्ताना २ साठी कार्तिक आर्यनच्या आधी निर्मात्यांना राजकुमार रावला विचारण्यात आले होते. मात्र त्याच्याकडे तारखा उपलब्ध नसल्यामुळे त्याच्या हातून हा चित्रपट गेला होता. मात्र दोस्ताना २मधून कार्तिक आर्यनची एक्झिट झाल्यानंतर आता पुन्हा राजकुमार रावला या चित्रपटाची ऑफर दिल्याचे समजते आहे आणि आता कार्तिक आर्यनच्या जागी राजकुमार राव दिसणार असल्याचे समजते आहे.