अबू धाबीमधील फॉर्म्युला वन रेसमधील मार्टिन ब्रंडल आणि रणवीर सिंग यांचा एक व्हिडिओ सोशल मीडियावर प्रचंड व्हायरल झाला आहे. माजी रेसिंग ड्रायव्हर आणि समालोचक ब्रंडल यांना बॉलिवूड अभिनेता रणवीर सिंगला ओळखता आले नाही. पण, याची प्रांजळ कबुली ब्रंडल यांनी दिल्यानंतर नेटिझन्सनी परिस्थिती चांगल्या प्रकारे हाताळल्याबद्दल अभिनेत्याचे कौतुक केले.
शनिवारी दुबईमध्ये एका पुरस्कार सोहळ्यात रणवीर दिसला होता. त्यानंतर रविवारी २०२२ अबू धाबी ग्रँड प्रिक्समध्ये तो गेला होता आणि त्याने हे सर्व इंस्टाग्राम स्टोरीमधून सांगितले. अभिनेत्याचा एक व्हिडिओ सोशल मीडियावर फिरत आहे, जिथे त्याला मार्टिन ब्रंडलने स्वतःची ओळख करून देण्यास सांगितले होते. या व्हिडीओमध्ये जेव्हा मार्टिन कार्यक्रमात रणवीरला भेटला आणि त्याला विचारले की तो कसा आहे, तेव्हा अभिनेता म्हणाला, “जगाच्या शीर्षस्थानी. मी उत्साह अनुभवत आहे. त्यानंतर मार्टिन रणवीरला म्हणाला, "मी क्षणभर विसरलो की तू कोण आहेस, तू मला सांगशील का?" त्यावर रणवीरने उत्तर दिले, “सर, मी बॉलिवूड अभिनेता आहे. मी मूळचा मुंबई, भारताचा आहे."
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"