दिग्दर्शक संजय लीला भन्साळी (Sanjay Leela Bhansali) यांची 'हीरामंडी' (Heeramandi) ही वेबसिरीज रिलीज झाल्यापासूनच चर्चेत आहे. या सीरिजद्वारे फरदीन खान(Fardeen Khan)ने बऱ्याच कालावधीनंतर अभिनयाच्या जगात पुनरागमन केले आहे. हीरामंडीतील फरदीनच्या कामाचेही खूप कौतुक होत आहे. परतल्यानंतर फरदीन खानने करीना कपूर(Kareena Kapoor)चे आभार मानले.
फरदीनने आपल्या करिअरमध्ये अनेक चित्रपटांमध्ये काम केले आहे. त्यापैकी एक देव सिनेमा देखील आहे. या चित्रपटाला नुकतीच २० वर्षे पूर्ण झाली असून चित्रपटाला २० वर्षे पूर्ण झाल्याबद्दल फरदीनने सोशल मीडियावर एक पोस्ट शेअर केली आहे. या पोस्टमध्ये फरदीनने करीना कपूरमुळे ही भूमिका कशी मिळाली हे सांगितले आहे. देव या चित्रपटात फरदीन खानसोबत करीना कपूर आणि अमिताभ बच्चन मुख्य भूमिकेत होते. फरदीनने या चित्रपटाचा रील सोशल मीडियावर शेअर केला आहे. देवमध्ये त्याने अली नावाची व्यक्तिरेखा साकारली होती.
बेबोचे मानले आभारपोस्ट शेअर करत फरदीनने लिहिले की, देवची २० वर्षे. करीना कपूरसोबतचा हा माझा तिसरा चित्रपट होता. तिने या भूमिकेसाठी माझी शिफारस केली आणि मी तिचा सदैव ऋणी राहीन. अमिताभ बच्चन आणि ओम पुरी यांसारख्या दिग्गजांसह गोविंद निहलानी यांच्या चित्रपटासाठी साइन करणे हा कोणत्याही अभिनेत्यासाठी मोठा आधार होता. गोविंदजींचा खूप आदर होता आणि ते त्यांच्या दिग्दर्शनासाठी आणि शक्तिशाली कथाकथनासाठी ओळखले जात होते.
फरदीनने पुढे लिहिले की, या भूमिकेमुळे मला एका अर्थपूर्ण चित्रपटात काम करण्याची संधी मिळाली, जी त्यावेळी कठीण होती. पण देवकडून माझ्यासाठी सर्वात मोठी बाब म्हणजे अमितजींसोबत स्क्रीन शेअर करणे, ज्यांना मी माझा आदर्श मानतो. त्यांच्या आयुष्याचा आणि सर्वात आश्चर्यकारक कारकिर्दीचा भारतीय चित्रपटसृष्टीवर खोलवर परिणाम झाला आहे आणि त्यांनी केवळ माझ्यावरच नाही तर प्रत्येक भारतीयावर अमिट छाप सोडली आहे. आयुष्यात एकदाच मिळालेली ही संधी होती, त्यांच्यासोबत काम करणे हा खरा सन्मान आणि विशेषाधिकार होता, माझ्या कारकिर्दीतील ठळक वैशिष्ट्यांपैकी एक.
वर्कफ्रंटफरदीन खानने करीना कपूरसोबत फिदा आणि खुशीमध्येही काम केले आहे. त्याने १४ वर्षांनंतर हीरामंडीमधून पुनरागमन केले आहे. तो लवकरच 'प्रभात', 'खेल खेल में' अशा अनेक चित्रपटांमध्ये दिसणार आहे.