मुंबई - देशभरात दिवाळीचा सण मोठा उत्साहात, आनंदात साजरा होत आहे. पंतप्रधान नरेंद्र मोदी यांनी देशवासियांना दिवाळीच्या शुभेच्छा दिल्या आहेत आणि हा सण प्रत्येकाच्या आयुष्यात आनंद, समृद्धी आणि उत्तम आरोग्य घेऊन येवो अशी प्रार्थना केली आहे. मोदींनी ट्विटर अकाऊंटवरून याबाबत ट्विट केलं आहे. गरीब असो वा श्रीमंत, सामान्य असो वा असामान्य, साधारण असो वा सेलिब्रिटी सर्वत्र दिवाळीचा माहोल आणि आनंद पाहायला मिळत आहे. बॉलिवूड सेलिब्रिटीही कुटुंब व मित्रांसमवेत दिवाळी साजरी करत आहेत. बॉलिवूडचा बादशहा शाहरुख खाननेही चाहत्यांना दिवाळीच्या शुभेच्छा दिल्या आहेत.
बिग बी अमिताभ बच्चन हेही आपल्या प्रतिक्षा बंगल्यावर पोहोचले असून दिवाळी सेलिब्रेशन करत आहेत. तर, अलिया आणि रणबीर कपूर हेही सैफ अली खानच्या बंगल्यावर दिवाळीचा सण साजरा करण्यासाठी पोहोचले आहेत. बॉलिवूड तारकांचीही दिवाळी जोरदार सुरू आहे. आज दिवाळीची पहिली अंघोळ असून नरक चतुर्दशी आणि लक्ष्मीपूजन एकाच दिवशी होत आहे. त्यामुळे, आजच्या सायंकाळी दिवशी सर्वत्र लक्ष्मीपूजन पार पडले. उत्साह आणि आनंदात सर्वांनी माता लक्ष्मीचे पूजन केले. यावेळी, सुखी-समाधानी आयुष्यासाठी प्रार्थनाही केली.
बॉलिवूडचा बादशहा शाहरुख खानने ट्विट करुन चाहत्यांना दिवाळीच्या शुभेच्छा दिल्या आहेत. तसेच, आजची रात्र खूप छान वाटते, आज खूप नाचू वाटतं, असेही शाहरुखने म्हटले आहे. परमेश्वराने आपल्याला दिलेल्या आयुष्याबद्दल आज कृतज्ञता व्यक्त करायला हवी, या जीवनाबद्दल देवाचे आभार मानले पाहिजे. जगण्यातील आनंदासाठी त्याचे आशीर्वाद आणि शक्ती आपल्याला मिळू दे, अशी प्रार्थनाही शाहरुखन केली आहे. तसेच, सर्वांना दिवाळीच्या शुभेच्छा. छान दिसा...आज रात्री खूप छान वाटतं आणि खूप नाचू वाटतं, असं ट्विट शाहरुखने केलं आहे.
दरम्यान, शाहरुखच्या ट्विटवर चाहत्यांनी कमेंट करुन शाहरुखलाही दिवाळीच्या शुभेच्छा दिल्या आहेत.