लोकप्रिय टीव्ही शोपैकी एक असलेल्या 'खतरों के खिलाडी 14' ची चाहते बऱ्याच दिवसांपासून वाट पाहत आहेत. रोहित शेट्टी सूत्रसंचालन करत असलेल्या या शोचं काही दिवसांपूर्वी रोमानियामध्ये शुटिंग सुरू झालं आहे. आता त्याच्याशी संबंधित एक नवीन अपडेट समोर आले आहे. एक स्पर्धक 'खतरों के खिलाडी 14' मधून बाहेर पडला आहे.
रोहित शेट्टीच्या 'खतरों के खिलाडी 14' ची चाहत्यांमध्ये खूप क्रेझ आहे. हा शो ऑन एअर होण्याची प्रत्येकजण वाट पाहत आहे. मराठमोळा अभिनेता गश्मीर महाजनी, असीम रियाझ, शालिन भानोत आणि अभिषेक कुमार यांच्यासह अनेक सेलिब्रिटींनी यात सहभाग घेतला आहे. यात शोमध्ये पहिलं एलिमिनेशन देखील झालं आहे. यामध्ये असीम, निमृत, शालिन आणि अभिषेक यांना नॉमिनेट करण्यात आलं होतं. चौघांतून सर्वात मजबूत स्पर्धक पहिल्या आठवड्यातच शोमधून बाहेर पडला.
निमृत, शालिन आणि अभिषेक यांच्यावरुन टांगती तलवार हटली असून असीमला शोमधून काढून टाकण्यात आले आहे. ई-टाइम्सच्या रिपोर्टनुसार, असीम रियाजला शोमधून बाहेर फेकण्यात आलं. स्टंटमध्ये पराभूत झाल्यानंतर असीम आणि शो होस्ट रोहित यांच्यात मोठं भांडण झालं होतं. यामुळे असिम बाहेर फेकला गेला आहे. तथापि, असीम किंवा निर्मात्यांकडून अद्याप याबाबत कोणतीही अधिकृत माहिती समोर आलेली नाही.
'खतरों के खिलाडी 14' लवकरच टीव्हीवर झळकणार आहे, पण शोचे फॅन पेज अनेकदा सोशल मीडियावर त्याच्याशी संबंधित अपडेट्स देत असतात. यावेळी 'खतरों के खिलाडी सीझन 14' मध्ये अनेक तगडे स्पर्धक आहेत. या शोचे आतापर्यंत 13 पर्व झाले आहेत.