James Cameron Box Office Collection: जेम्स कॅमेरॉन(James Cameron)चा चित्रपट अवतार द वे ऑफ वॉटर(Avatar The Way of Water) भारतीय बॉक्स ऑफिसवर धमाल करत आहे. कमाईच्या बाबतीत 'अवतार 2'ला टक्कर देण्यासाठी कोणताही बॉलिवूड चित्रपट दूरदूरपर्यंत दिसत नाही. या चित्रपटाने आतापर्यंत भारतात 300 कोटींहून अधिक कमाई केली आहे आणि तो लवकरच अॅव्हेंजर्स एंडगेम(Avengers Endgame) चित्रपटाचा विक्रम मोडू शकतो.
ट्रेड ट्रॅकर Sacnilk च्या अहवालानुसार, 'अवतार द वे ऑफ वॉटर' ने भारतात 304 कोटी रुपयांची कमाई केली आहे. येत्या काही दिवसांत कमाईच्या बाबतीत 'अवतार 2' 373 कोटी रुपयांची कमाई करणाऱ्या अव्हेंजर्स एंडगेम चित्रपटाचा रेकॉर्ड लवकरच मोडू शक्यतो. 1 बिलियनचा आकडा इतक्या झटपट गाठणारा ‘अवतार 2’ हा सहावा सिनेमा आहे. 1.03 बिलियनचा डॉलर्स म्हणजे भारतीय रुपयानुसार 82 अब्ज 84 कोटी 95 लाखांपेक्षा जास्त आहेत
2009 मध्ये ‘अवतार’ रिलीज झाला होता. या चित्रपटाला बॉक्स आफिसवर जबरदस्त प्रतिसाद मिळाला होता. हा जगातील सर्वाधिक कमाई करणारा चित्रपट ठरला आहे. अगदी या चित्रपटानं ‘टायटॅनिक’लाही मागे टाकलं होतं.
आणखीही पार्ट येणार...‘अवतार 2’ रिलीज झालाये. त्याचबरोबर ‘अवतार 3’ चं शूटिंगही जवळपास संपलं आहे. ‘अवतार 3’ साठी 20 डिसेंबर 2024 चा स्लॉट निश्चित करण्यात आला आहे. यानंतर ‘अवतार 4’ डिसेंबर 2026 आणि ‘अवतार 5’ डिसेंबर 2028 ला रिलीज होणे अपेक्षित आहे.