Ed Sheeran ची पुन्हा भारतात कॉन्सर्ट, ६ शहरांमध्ये घुमणार गायकाचा आवाज; कधी आणि कुठे? वाचा

Perfect फेम Ed Sheeran च्या कॉन्सर्ट्सची तिकीट विक्री कधीपासून? वाचा सविस्तर

'परफेक्ट' फेम हॉलिवूड गायक एड शीरन (Ed Sheeran) पुन्हा एकदा भारतात येणार आहे. त्याच्या लाईव्ह कॉन्सर्टसाठी चाहते उत्सुक आहेत. पुढील वर्षी भारतातील ६ शहरांमध्ये त्याचे कॉन्सर्ट्स होणार आहेत. एड शीरनची लोकप्रियता जगभरात आहे. इन्स्टाग्रामवर तर त्याचे ४८ लाखांपेक्षा जास्त फॉलोअर्स आहेत. याआधीही एड शीरनने भारतात कॉन्सर्ट्स केल्या होत्या ज्याला तुफान प्रतिसाद मिळाला. मुंबईतील कॉन्सर्टवेळी तर तो सेलिब्रिटींच्या घरीही गेला होता. कपिल शर्मा शोमध्येही सहभागी झाला होता. आता तो पुन्हा एकदा भारतात येण्यास तयार आहे.

एड शीरनने सोशल मीडियावरुन त्याच्या भारतातील कॉन्सर्टची माहिती दिली. याआधीही त्याच्या भारतात येण्याची चर्चा होती आता त्याने स्वत:च हे कन्फर्म केले आहे. भारतातील ६ वेगवेगळ्या शहरांचा यात समावेश आहे. यामध्ये दिल्ली, पुणे, हैदराबाद, बंगळुरू, शिलाँग आणि चेन्नई ही शहरं आहेत. त्याच्या इंडिया टूरची सुरुवात पुण्यातून होणार आहे.

कुठे आणि कधी होणार कॉन्सर्ट्स?

३० जानेवारी रोजी पुण्यातील यश लॉन्स येथे पहिली कॉन्सर्ट होईल. यानंतर २ फेब्रुवारीला हैदराबादच्या रामोजी फिल्म सिटी, ५ फेब्रुवारीला चेन्नईच्या YCMA ग्राऊंड, ८ फेब्रुवारी रोजी बंगळुरूच्या NICE ग्राऊंड्स, १२ फेब्रुवारी रोजी शिलाँच्या जेएन स्टेडियममध्ये एड शीरनचा आवाज घुमणार आहे.  तर त्याची इंडिया टूरची शेवटची कॉन्सर्ट खास असणार आहे. कारण ती भारताची राजधानी दिल्लीत होणार आहे. १५ फेब्रुवारी रोजी ही कॉन्सर्ट होईल.

एड शीरनच्या कॉन्सर्ट्सचे तिकीट विक्री ११ डिसेंबर रोजी सुरु होणार आहे. त्यामुळे सध्या चाहते आतुरतेने वाट पाहत आहे. दरम्यान जानेवारीत मुंबईत होणाऱ्या कोल्ड प्ले बँडच्या कॉन्सर्टचीही जोरदार चर्चा आहे.