‘द वॉयस’ मधून ग्वेन स्टेफनी परतणार

द वॉयस सिंगर ग्वेन स्टेफनी रिअ‍ॅलिटी टीव्ही शो ‘द वॉयस’च्या १२ व्या सीजनमधून परतणार आहे. एनबीसी हा शो नव्या अंदाजात लोकांसमोर आणण्याची योजना आखत आहे. या शोमधील सर्व गाणी हिट ठरावे यासाठीच स्टेफनीची वापसी केली जाणार असल्याचे सूत्रांनी सांगितले. दरम्यान द वॉयसचा सध्या ११ वा सीजन सुरू आहे. याचे कोच म्हणून एडम लेविन, ब्लेक शेल्टन, एलिसिया कीज आणि मायली साइरस हे आहेत. तर सूत्रसंचालक म्हणून कार्सन डॅली ही आहे. एका वेबसाइटने दिलेल्या माहितीनुसार सायरस १२ व्या सीजनमध्ये दिसणार नाही. तिची जागा स्टेफनी घेणार आहे. कोच म्हणून लेविन शेल्टन व कीज हे असतील. तर सूत्रसंचालक म्हणून डॅलीच असणार आहे. या शोबाबत एनबीसी एन्टरटेन्मेंटचे अल्टरनेटिव आणि रिअ‍ॅलिटी ग्रुपचे अध्यक्ष पॉल टेलेजडी यांनी सांगितले की, १२ व्या सीजनमध्ये ग्वेन, एलिसिया, ब्लेक आणि एडम यांच्यात एक वेगळ्या पद्धतीचा ताळमेळ बघावयास मिळणार आहे. आमच्यासह प्रेक्षकांना याची आतुरता लागली आहे. हा शो प्रेक्षकांच्या पसंतीस उतरेल याची आम्हाला खात्री आहे, असेही त्यांनी याप्रसंगी स्पष्ट केले.