मॉडेल मारा मार्टिन स्पोर्टस इलस्ट्रेटेड स्विमसूट फॅशन शोच्या रॅम्पवर उतरली आणि तिच्या या रॅम्पवॉकची जगभर चर्चा झाली. होय, मॉडेल मारा मार्टिनने आपल्या मुलीला स्तनपान करत करत रॅम्पवॉक केला. माराची मुलगी आरिया ही पाच महिन्यांची आहे. चिमुकल्या आरियाला माराने छातीशी कवटाळले आहे. आरिया शांतपणे स्तनपान करतेय आणि त्याच अवस्थेत रॅम्पवॉक करतेय, हे दृश्य पाहून सगळेचं स्तब झालेत. सगळ्यांच्या नजरा या मारावर खिळल्या. कारण मॉडेलिंगच्या दुनियेत प्रथमच कुण्या मॉडेलने आपल्या बाळाला स्तनपान करता करता रॅम्पवॉक केला असेल. आजपर्यंत चित्रविचित्र, बहुरंगी पोशाष घालून, अतरंगी स्टाईल करून मॉडेल रॅम्पवर उतरल्यात. पण प्रथमच मारा मार्टिन आपल्या मुलीला ब्रेस्टफिड करतांना रॅम्पवर दिसली.