टायगरच्या डान्सवर हृतिक फिदा

सुपरस्टार आमिर खानला हृतिक रोशनसारखा डान्स करण्याची इच्छा आहे, तर दुसरीकडे हृतिक मात्र नवोदित अभिनेता टायगर श्रॉफच्या डान्सवर फिदा आहे. सध्या लोक हृतिकच्या ‘तू मेरी’ या गाण्याच्या तालावर थिरकत आहेत; पण टायगरने दिवंगत पॉप स्टार मायकल जॅक्सनला वाहिलेल्या श्रद्धांजलीने हृतिकचे मन जिंकले आहे. हृतिकने रविवारी मायक्रोब्लॉगिंग साईट टिष्ट्वटरवर लिहिले की, ‘वा ऽ... टायगर तुझा डान्स एखाद्या जादूसारखा आहे. मित्रांनो तुम्हीही तो पाहा.’ या स्तुतीने भारावून गेलेल्या टायगरने हृतिकचे आभार मानले आहेत. तसेच हृतिकच खरा जादूगार असल्याचे तो म्हणाला. टायगरने टिष्ट्वट केले की, ‘तुमचे खूप खूप आभार सर. खरे जादूगार तर तुम्ही आहात. या मॅजिक ट्रिकसाठी प्रेरित करण्यासाठी धन्यवाद.’