बॉलिवूड अभिनेता हृतिक रोशनच्या (Hrithik Roshan) ‘विक्रम वेधा’ या चित्रपटाचा फर्स्ट लूक रिलीज झाला आहे. इतकंच नाही तर चित्रपटाची रिलीज डेटही जाहीर झाली आहे. येत्या 30 सप्टेंबरला हा सिनेमा चित्रपटगृहांमध्ये प्रदर्शित होणार आहे. पण तूर्तास चर्चा आहे हृतिकच्या नव्या लुकची. होय, ‘विक्रम वेधा’मधील लुक हृतिकने सोशल मीडियावर शेअर केला आणि सगळेच त्याच्या या लुकवर फिदा झालेत. अगदी हृतिकची कथित गर्लफ्रेन्ड सबा आझाद (Saba Azad) ही सुद्धा त्याच्या या लुकच्या प्रेमात पडली.
हृतिकने इन्स्टाग्रामवर त्याचे काही फोटो शेअर केलेत. काळी टी-शर्ट, काळी जीन्स, पोनी टेल आणि डोळ्यांवर गॉगल असा त्याचा स्वॅग पाहून सबाला राहावलं नाही. तिने लगेच हृतिकच्या या फोटोंवर कमेंट केली. Why hello असं तिने कमेंट करत लिहिलं.
गेल्या काही दिवसांपासून हृतिक व सबाच्या अफेअरच्या चर्चा सुरू आहेत. दोघंही अनेकदा एकत्र स्पॉट झालेत. अगदी सबा हृतिकच्या घरी त्याच्या फॅमिलीसोबत लंच एन्जॉय करतानाही दिसली.
हृतिक आणि सबाची ओळख एका कॉमन फ्रेंडद्वारे झाली होती. पहिल्या भेटीपासून दोघेही एकमेकांच्या संपर्कात होते. त्यानंतर ते एका डिनर डेटवर भेटले. खरं तर ही भेट कामासंदर्भात होती. पण तिथून सबा व हृतिक सगळ्यांच्या नजरेत भरले. मिड डेच्या वृत्तानुसार, सबा व हृतिक सुट्टीसाठी गोव्यात गेले होते. अनेक रिपोर्टनुसार, हृतिक व सबा एकमेकांना डेट करत आहेत. मात्र हे रिलेशन त्यांना पब्लिक करायचं नसल्याने गप्प आहेत. दोघंही आपलं खासगी आयुष्य सीक्रेट ठेवू इच्छितात.
हृतिकच्या ‘विक्रम वेधा’ या आगामी सिनेमाबद्दल सांगायचं तर हा चित्रपट त्याच नावाच्या तमिळ चित्रपटाचा रिमेक आहे. ज्यामध्ये विजय सेतुपती आणि आर. माधवन लीड रोलमध्ये दिसला होता. त्याच्या हिंदी रिमेकमध्ये हृतिक रोशन गँगस्टरच्या भूमिकेत दिसणार आहे. सैफ अली खानही या चित्रपटात प्रमुख भूमिकेत आहे.