मी मंटोसारखा जगणार - नवाजुद्दीन सिद्दिकी

बॉलिवूड अभिनेता नवाजुद्दीन सिद्दिकी प्रसिद्ध हिंदी-ऊर्दू साहित्यिक सआदत हसन मंटो यांच्या बायोपिकमध्ये मुख्य भूमिका साकारतो आहे. या चित्रपटासाठी नवाजने चांगलीच तयारी केली असून हा चित्रपट पूर्ण होईपर्यंत तो मंटो सारखाच जगणार असल्याचे सांगतो आहे. जो पर्यंत हा चित्रपट पूर्ण होत नाही तो पर्यंत मी कोणताच चित्रपट साईन करणार नाही, कारण मी जी भूमिका साकारणार आहे ती भूमिका मला इमानदारीने निभवायची आहे. असेही नवाजुद्दीन म्हणाला. नवाजुद्दीन सिद्दिकीने या भूमिकेची उकल केली. नवाजुद्दिन म्हणाला, कोणतिही भूमिका साकारणे हे कठिण काम असते, मात्र एखाद्या भूमिकेला आपल्या डोक्यात उतरविणे आव्हानात्मक ठरते. नंदिता दासने मंटोच्या जीवनाचा भरपूर अभ्यास केला आहे. यामुळे मला या भूमिकेच्या खोलात शिरण्यास मदत होत आहे. मी जो पर्यंत ही भूमिका साकारणार आहे, तोपर्यंत मी मंटो सारखाच ड्रेस घालणार असून त्यांच्या सारखे जण्याचा व दिनचर्या अंगिकारण्याचा प्रयत्न करणार आहे. नवाजुद्दीनने या भूमिकेत उतरण्यासाठी आपल्या खोलीचा कायापालट केला आहे. मंटो ज्या जगात राहत होते, तशाच जगाची निर्मिती करतो आहे. मंटो जशा खोलीत राहत होते तशीच खोली मी तयार करणार आहे. मी त्याच्यासारखे कपडे घालणार आहे, त्यांच्यासारखे जेवन करणार आहे. मंटो यांनी ज्या बिछान्यावर अंतिम श्वास घेतला होता त्याच प्रकारच्या बिछान्यावर मी झोपण्याचा प्रयत्न करणार आहे. मंटो माझ्या डोक्यात पूर्णत: संचारले आहेत.