२०२३ मध्ये अॅक्‍शन चित्रपट जागतिक सिनेमामध्‍ये अग्रस्‍थानी राहिले आहेत, जेथे चित्रपट 'पठाण'मध्ये शाहरूख खानचे बहुप्रतिक्षित पुनरागमन आणि टॉम क्रूझचा अत्‍यंत रोमांचक थ्रिलर 'मिशन इम्‍पॉसिबल: डेड रेकनिंग - पार्ट वन' अत्‍यंत यशस्‍वी ठरले आहे. प्रदर्शित होणारा आगामी अॅक्‍शन ब्‍लॉकबस्‍टर चित्रपट आहे नेल्‍सन दिलीपकुमार दिग्‍दर्शित सर्व भारतीयांचा चित्रपट 'जेलर'. रजनीकांत, शिवा राजकुमार, तमन्‍ना भाटिया, मोहनलाल अभिनीत चित्रपट 'जेलर' शिस्‍तबद्ध, पण दयाळू जेलर मुथुवेल पंडियनच्‍या कथेला सादर करतो. त्‍याला समजते की, एक गँग त्‍यांच्‍या लीडरला तुरूंगामधून बाहेर काढण्‍याचा प्रयत्‍न करत आहे आणि तो त्‍यांना थांबवण्‍याच्‍या मिशनवर जातो. चाहते त्‍यांच्‍या जवळच्‍या पीव्‍हीआर आयनॉक्‍स सिनेमागृहांमध्‍ये १० ऑगस्‍ट २०२३ रोजी हा चित्रपट पाहण्‍याचा आनंद घेऊ शकतात.
रजनीकांत - तमिळ सिनेमा पाच दशकांहून अधिक काळ कारकीर्द असलेले रजनीकांत हे निश्चितच तमिळ चित्रपटसृष्टीचे सुपरस्टार आहेत. त्यांनी तेलुगू, बंगाली आणि मल्याळम चित्रपटांमध्ये देखील काम केले आहे. रजनीकांत यांनी आगामी चित्रपट 'जेलर' मुथुवेल पंडियनची भूमिका साकारली आहे आणि ते आपल्या अद्वितीय अभिनय कौशल्‍यांसह निश्चितच चित्रपटाचा स्‍तर नव्‍या उंचीवर घेऊन जाण्‍याची अपेक्षा आहे.
शिवा राजकुमार - कन्नड सिनेमा विविध भारतीय भाषांमध्ये तीन दशकांहून अधिक काळ काम करण्‍यासह शिवा राजकुमार यांनी १२५ हून अधिक कन्नड चित्रपटांमध्ये काम केले आहे. चित्रपट 'जेलर'च्‍या माध्‍यमातून ते तमिळमध्ये पदार्पण करत आहेत. रजनीकांत यांच्यासोबतचा त्‍यांचा हा पहिलाच चित्रपट आहे. रिपोर्टसनुसार, शिवा राजकुमार या चित्रपटात मुख्य खलनायकाच्‍या भूमिकेत दिसणार आहेत.
मोहनलाल - मल्याळम सिनेमारजनीकांत यांच्या बहुप्रतिक्षित चित्रपट 'जेलर'मध्ये महत्त्वाची भूमिका साकारण्यासाठी मल्याळम चित्रपटसृष्‍टीतील सुप्रसिद्ध सुपरस्टार मोहनलाल यांची निवड करण्यात आली आहे. सूत्रांनुसार, मोहनलाल या चित्रपटात एक खास कॅमिओ साकारणार आहेत आणि क्लायमॅक्समध्ये रोमांचची भर करतील.
सुनिल - तेलुगू फिल्‍म्‍स तेलुगू चित्रपटांमध्ये आपल्या सनसनाटी अभिनयासाठी प्रसिद्ध प्रतिभावान अभिनेते सुनिल यांना रजनीकांत यांच्या थ्रिलर चित्रपटामध्ये मुख्य भूमिका साकारण्यासाठी निवडण्यात आले आहे. चित्रपटाच्या फर्स्ट लूकमध्ये अभिनेता रेट्रो लूकमध्ये दिसला होता. सुनिल कोणती भूमिका साकारणार आहेत, याबाबत अद्याप माहिती मिळालेली नाही, पण लवकरच त्‍यांच्‍या भूमिकेबाबत अधिक माहिती मिळेल.
जॅकी श्रॉफ - हिंदी सिनेमाजॅकी श्रॉफ ३६ वर्षांनंतर चित्रपट 'जेलर'मध्ये रजनीकांतसोबत पुन्हा एकत्र दिसणार आहेत. या चित्रपटात ते खलनायकाची भूमिका साकारण्‍यासह जेलरची भूमिका साकारणार असल्याचे म्हटले जात आहे. आपल्या चार दशकांहून अधिक काळच्या कारकिर्दीत, जॅकी यांनी १३ भाषांमधील २२० हून अधिक चित्रपटांमध्ये भूमिका साकारल्या आहेत आणि ते खऱ्या अर्थाने संपूर्ण भारतातील स्टार अभिनेता आहेत.